کمٹہ کے ایک مکان میں چوری کی واردات :لاکھوں روپئے کے زیورات لے کر لٹیرے فرار
کمٹہ:24/اپریل(ایس اؤنیوز) شہر کے ایس سی /ایس ٹی کالونی روڈ کے بی ایس این ایل ٹاور کے قریب گھرکا تالہ توڑ کر لاکھوں روپئے مالیت کے زیورات اور نقد رقم لوٹ کر لٹیرے فرار ہونے کا واقعہ اتوار کو پیش آیا ہے ۔
ذرائع سے ملی اطلاع کے مطابق گھر کی مالکہ استانی سنندا سبرایا نائک جمعہ کو اپنے ایک رشتہ دار کے ہاں چلی گئی تھی، جس کا لٹیروں نے فائدہ اُٹھایا اور گھر کا قفل توڑ کر اندر گھستے ہوئے الماری میں موجود سونے کے زیورات اور نقد رقم لوٹنے کے علاوہ کرایہ دار منجوناتھ شٹی کے گھر سے بھی زیورات اور نقد لے کر فرار ہوگئے ہیں۔
سنندا نائک کے گھر سے 20گرام وزنی سونے کی نیکلیس، 6گرام وزنی آویزے سمیت کل 26گرام وزنی زیورات لوٹ کر فرار ہوگئے ہیں، جس کی مالیت قریب 72ہزار روپئے لگائی گئی ہے۔لُٹیروں نے الماری کے اندر سے 5 ہزار روپئے نقد اور 3.5ہزارروپیوں کی ایک واچ پر بھی ہاتھ صاف کرلیا ہے۔
کرایہ دار منجوناتھ شٹی کے گھر سے 1ہیرے کی نتھنی ، 3جوڑ آویزے، 1براسلیٹ، 2لاکیٹ سمیت 15گرام وزنی یعنی 45ہزار روپئے مالیت کے زیورات سمیت 3ہزار نقد رقم اور 3ہزار روپئے قیمت کی ایک واچ۔ جملہ 1.17لاکھ روپئے مالیت کی چوری ہوئی ہے
گھروالے اتوار کی صبح جب واپس لوٹے تو گھر کا تالہ ٹوٹا ہوا پایا گیا، چوری ہونے کا پتہ چلتے ہی فوری طورپر پولس کو اطلاع دی گئی ۔ جائے وقوع کا معائنہ کرنے کے بعد پولس نے ضروری جانکاری حاصل کی اور کمٹہ پولس تھانہ میں کیس درج کرلیا