کمٹہ:20/جولائی (ایس اؤنیوز)کمٹہ کے سبھاش روڈ، بستی پیٹ کےاننت کامپلکس میں موجود  کرناٹکا بینک کی عمارت میں جمعرات کی رات 8 بجے اچانک آگ بھڑکنے کا واقعہ سامنے آیا ہے۔آگ لگنے سے بینک کے کمپیوٹر سمیت دیگر اشیاء جل کر بھسم ہوگئے ہیں اور لاکھوں روپیوں کے نقصان کا اندازا لگایا گیا ہے۔

 موصولہ اطلاعات کے مطابق بینک کی عمارت میں شارٹ سرکیوٹ کی وجہ سے آگ لگنے کی بات کہی جارہی ہے۔ بینک عمارت میں آگ لگنے کی اطلاع پر پاتے ہی فائر برگیڈ کا عملہ جائے وقوع پہنچ کر آگ پر قابو پانے کی کوشش میں مصروف ہے۔ مقامی پولس افسران بھی اپنے عملے کےسا تھ جائے واردات پر موجود دیکھے گئے۔ بینک عمارت میں آگ بھڑکنےکی اطلاع پاتے ہی عمارت کے سامنے عوام کا ہجوم دیکھا گیا ۔ مزید تفصیلات موصول ہونا باقی ہے۔