کمٹہ میں باڑ لگانے کے معاملہ پر کانگریس صدرکی پریس میٹ

Source: S.O. News Service | By Abu Aisha | Published on 5th December 2018, 11:10 PM | ساحلی خبریں |

کمٹہ:4؍ڈسمبر (ایس او نیوز) ایک طرف مرکزی وزیر اننت کمار ہیگڈے کہتے ہیں کہ ہمیں مسلمانوں کے ووٹوں کی ضرورت نہیں ،وہیں دوسری طرف  کمٹہ کے بی جےپی لیڈران کا کہنا ہے  کہ مسلمان ہمارے کارکنان  ہیں۔ اسی سے  بی جےپی کا  دوغلاپن ثابت ہوجاتا ہے۔یہ بات کانگریس کی ضلعی صدر تارا گوڈا نے کہی۔

کمٹہ میں منعقدہ  پریس کانفرنس میں کانگریس ضلعی صدر نے کہاکہ بی جے پی والوں نے حال ہی میں  بیان جاری کرتے ہوئے  بی جے پی کے ونایک بھٹ اور  سنتے گولی کے محمد غوث کی جانب سے   راستے پر باڑ لگانے  کو  صحیح قرار دیا تھا  اور اس مسئلہ کو نہ چھیڑنے کی بات کہتے  ہوئے کہا گیا تھا کہ اس معاملے کو اگر چھیڑا گیا  تو ہم خاموش نہیں رہیں گے انہوں نے یہ بھی کہا تھا کہ ہم انصاف کی حمایت کررہے ہیں ۔

لیکن چند دن پہلے جب اسی دیہات کی سکینہ نے راستے پر باڑ لگائی اور ہمیں مدد کرنے کے لئے پکارنے پر ہم جب آر ایف او کو لے کر  اُن کی مدد کو پہنچے تو  ہمارے ساتھ موجود کٹّی نائک پر غوث کے خاندان والوں نے  پتھروں سے حملہ کرنےکی کوشش کی۔ تارا گوڈا نے بتایا کہ  سنتے گولی کے ایک مکین سے ہوئی نا  انصافی کو ہم صرف قانون کے مطابق انصاف دلانے کی کوشش کررہے ہیں اور اس میں کوئی  سیاست نہیں کی جارہی ہے، مگر بی جے پی والے اس پر سیاست کرتے ہوئے راستے پر لگائی گئی باڑ کی مخالفت کررہے ہیں۔

پریس کانفرنس میں بلاک کانگریس صدر وی ایل نائک، سنتے گولی گرام پنچایت صدر مہیش نائک، کٹی نائک وغیرہ موجود تھے۔

ایک نظر اس پر بھی

بیندور: معمولی تکرار کے نتیجے میں جان لیوا حملہ۔تین خواتین سمیت پانچ افراد زخمی

دوگھرانوں کے افراد کے بیچ معمولی تکرار کے بعدکرمنجیشور نامی مقام پر چھ افراد پر مشتمل ایک ٹولی نے گھر میں گھس کر جان لیوا حملہ کیا جس میں ڈنڈے اور تلواروں کا استعمال کیا گیا اور ا س کے نتیجے میں دو خواتین سمیت پانچ افراد زخمی ہوگئے۔

جنوبی کینرا ایم پی نلین کمار کٹیل نے کی مہاتما گاندھی کے قاتل ناتھو رام گوڈسے کی حمایت

بھوپال سے بی جے پی کی پارلیمانی امیدوار پرگیہ سنگھ ٹھاکور نے مہاتما گاندھی کے قاتل ناتھو رام گوڈسے کی ستائش کرتے ہوئے کہا تھا کہ وہ ایک اصلی دیش بھکت تھا۔ اس متنازعہ بیان کی ہرطرف سے مذمت ہورہی تھی مگراس کی حمایت میں اب ضلع جنوبی کینرا کے ایم پی نلین کمار کٹیل اور ضلع شمالی ...

سی پی آئی ایم کارکن قتل معاملے میں آر ایس ایس اور بی جے پی کے 7کارکنان کوسزائے عمر قیداورفی کس 1لاکھ روپے جرمانہ

کمیونسٹ پارٹی آف انڈیا (ماکسسٹ) کے پی پویتھرن نامی کارکن کوقتل کیے جانے کے 12سال بعد اس جرم کا ارتکاب ثابت ہونے پر آر ایس ایس اور بی جے پی سے تعلق رکھنے والے 7کارکنان کو عدالت نے عمر قید کی سزا سنائی ہے۔

بھٹکل میونسپالٹی انتخابات کے لئے51 اُمیدواروں نے داخل کیا پرچہ نامزدگی؛ 9 اُمیدوار بلامقابلہ منتخب ہونا طئے؛ 29 مئی کو ہوں گے انتخابات

بھٹکل میونسپالٹی کے لئے 29 مئی کو ہونے والے انتخابات میں جملہ 23 سیٹوں کے لئے 51 اُمیدواروں نے  53 پرچہ نامزدگیاں داخل کی ہیں۔ جمعرات کو پرچہ داخل کرنے کی آخری تاریخ تھی جس کے ساتھ ہی  یہ صاف ہوگیا ہے کہ جملہ 23 سیٹوں میں  سے 9 سیٹوں پر کوئی مقابلہ نہیں ہوگا کیونکہ ان سیٹوں  پر صرف ...