کمٹہ بلاک کانگریس دفتر کا ضلعی صدر بھیمنانائک کے ہاتھوں افتتاح
کمٹہ:20/ نومبر (ایس اؤنیوز)مورور کے قریب اُڈپی ہوٹل سےمتصل کمٹہ بلاک کانگریس کے دفتر کا ضلع کانگریس کمیٹی صدر بھیمنا نائک نے افتتاح کرنے کے بعد خطاب کرتے ہوئے کہاکہ عوام کی سہولت کے لئے دفتر کا افتتاح کیاگیا ہے عوام اپنی شکایات اور مسائل کو یہاں پیش کرکے حل حاصل کرسکتےہیں۔ عوامی مسائل کے سلسلے میں ہی اس دفتر کا افتتاح کئے جانےکی بات کہی۔
حال ہی میں اترکنڑا ضلع سے گزری یڈیورپا کی پریورتنا ریلی کے متعلق اظہار خیال کرتے ہوئے کہاکہ کسی پریورتناریلی سے عوام کے ذہنوں کو تبدیل کرنا ممکن نہیں ہے، کانگریس عوام کے دلوں میں ہے ، کسی سے کچھ بھی کرنا ممکن نہیں ہے۔ اترکنڑا ضلع میں پریورتنا ریلی کا اثر نہیں ہونے کی بات کہی۔ ریاست میں رشوت خوری کاصلہ بی جے پی سے ملا ہے جب کہ کانگریس نے عوام کو ترقی کا صلہ دیا ہے۔ کانگریس پارٹی نے صرف کانگریس والوں کوہی سہولیات نہیں دی ہیں بلکہ تمام عوام کو سہولیات فراہم کرنے کا خیال ظاہر کیا۔
رکن اسمبلی شاردا موہن شٹی نے افتتاحی پروگرام کی صدارت کرتے ہوئے کہاکہ کانگریس ریاست میں ایک بہتر حکومت دینے میں کامیاب ہوئی ہے۔ ریاست بھر میں بنیادی سہولیات فراہم کی گئی ہیں، سڑک، برج، پل،غذا، اناج جیسے کئی اسکیوموں کو جاری کرتے ہوئے عوام کا اعتماد حاصل کیاگیا ہے۔ پروگرام میں ریاستی کانگریس پسماندہ طبقات کے سکریٹری روی کمار موہن شٹی ، بلدیہ صدر مدھوسودن شیٹھ، ایس کے پاٹل، ضلع پنچایت ممبر رتناکر نائک، شری دھر بھاگوت، تعلقہ خواتین کانگریس صدر سریکھا واریکر، اقلیتی شعبہ کے صدر محمد ہاشم، جگناتھ نائک، چندر ہاس نایک،سریش ریونیکر وغیرہ موجود تھے۔ بلاک کانگریس صدر وی ایل نائک نے استقبال کیا تو سچن نائک نے نظامت کی۔