کمٹہ :15/جون (ایس اؤنیوز)باڈ کی شری کانچیکا پرمیشوری مندر کا اختیارنامہ پرانی کمیٹی منتقل نہیں کئے جانے سے مندر تجوری کا قفل توڑ کر نئی کمیٹی کو اقتدار منتقل کئے جانے کا واقعہ پیش آیاہے۔

مندرکی پرانی انتظامیہ کو برخاست کرکے نئی انتظامیہ تشکیل دینے کے لئے مقامی عوام نے ضلع ڈپٹی کمشنر کو اپیل سونپی تھی ، جس کے تحت ڈی سی نے مندر انتظامیہ کے لئے نئے سرے سے 9ممبران کو نامزد کیا تھا۔ لیکن پرانی مندر انتظامیہ نے نئی انتظامیہ کو اختیار منتقل نہیں کیا تو مقامی تحصیلدار میگھ راج نائک نے ضلع ڈی سی کے حکم کی تعمیل کرتے ہوئے مندر الماری کی قفل توڑ کر اس میں موجود زیورات وغیرہ کا حساب کتاب لے کر نئی انتطامیہ کو اختیار منتقل کیا۔ نئے نامزد ممبران نے کچھ دن پہلے مقامی تحصیلدار کی موجودگی میں جےایس نائک کو انتظامیہ کا صدر منتخب کیا تھا۔ جے ایس نائک کی نئی انتظامیہ کو پرانی مندر انتظامیہ کے پاؤسکر اور جی کے پٹگار نے اختیارنامہ منتقل نہیں کئے جانے سے قانونی طورپر نئی انتظامیہ کو اقتدار سونپا گیا ہے۔ منتقلی کے دوران نئی انتظامیہ کے تمام ممبران سمیت مندر پجاری بھی موجود تھے۔

معاملے کو لے کر پرانی مندر انتظامیہ کے جی کے پٹگار نے کہاکہ مندر کا اختیارنامہ منتقل کرنے کے لئے پرانی کمیٹی نے وقت مانگا تھا لیکن ہمیں وقت دئیے بغیر زبردستی مندر کا اقتدار سونپا گیا ہے۔ وہیں اس سلسلے میں مقامی تحصیلدار میگھ راج نائک نے بتایا کہ سرکاری حکم ہونے کے باوجود پرانی مندر انتظامیہ نے اختیار منتقل نہیں کیا تو مندر الماری کا قفل توڑ کر تمام زیورات اور اختیارات نئی انتظامیہ کو سونپا گیا ہے۔ اور سرکاری حکم نامے کی خلاف ورزی کرنےپر پرانی مندر انتظامیہ کے خلاف قانونی کارروائی کرنے کی بات کہی۔