کمٹہ(گوکرن) :یکم دسمبر(ایس اؤنیوز)گوکرن گرام پنچایت نے محکمہ پولس کے تعاون سے گوکرن راستوں کے فٹ پاتھ، گھٹراور مین روڈ کو بھی قبضہ کئے سیکڑوں دکانوں کی اتی کرم زمینات کو خالی کرایا۔

جمعرات کی صبح سے ہی گرام پنچایت اور بلدیہ عملہ نے کارروائی کی شروعات کی۔قبضہ جات زمینات کو خالی کرانے کے دوران گرام پنچایت کے ایک ممبر نے بڑے جوش میں پولس کے ساتھ ایک غریب کی جھونپڑی کو نکال باہر کرنے پر عوام کی برہمی کا سامنا کرناپڑا، اسی طرح بنگلے گوڈا کی سرکاری جنتاکالونی میں تصدیق شدہ دستاویزات کے ساتھ رہائش اختیار کرتے ہوئے گایتری بال چندر ہری کنتر نامی عورت نے ایک چھوٹی سی دکان بنالی تھی اس موقع پر اس دکان کو بھی بغیر کسی نوٹس کے زبردستی زمین بوس کئے جانے پر عوام نے احتجاج کیا۔ عملے نے دکان منہدم کرنے کے بعد وہاں’’عوامی پینے کے پانی کے لئے مختص جگہ ‘‘ کا بورڈ نصب کردیا۔ دکان انہدام کولے کر جئے کرناٹکا سنگھ کے ضلع نائب صدر ینکوگوڈا اور دیگر ممبران نے فوری طورپر اس غریب عورت کو وہیں دکان تعمیر کردینے کا مطالبہ کیا۔