بھٹکل میں منعقدہ کرناٹکا یونیورسٹی تھرڈ زون والی بال ٹورنامنٹ میں کمٹہ ڈگری کالج کوچمپئین شپ کا خطاب
بھٹکل:2/ فروری (ایس اؤنیوز)کرناٹکا یونیورسٹی دھارواڑ سے ملحق تیسرے زون کی ڈگری کالجوں کے درمیان منعقد ہوئے مردوں کے والی بال ٹورنامنٹ میں کمٹہ کی ڈاکٹر اے وی بالیگا آرٹس اینڈ سائنس کالج ٹیم چمپئین بنی۔
کمٹہ کی ٹیم فائنل میں ہوناور کی ایس ڈی ایم کالج ٹیم کو شکست دے کر خطاب جیتا۔ ٹورنامنٹ میں کل 10کالجوں کی ٹیموں نے شرکت کی تھی ۔ بھٹکل ایجوکیشن ٹرسٹ کے صدر ڈاکٹر سریش نایک نے ٹورنامنٹ کا افتتاح کیا۔
ٹورنامنٹ میں اے وی بالیگا کالج کے پروین شٹی بیٹ پاسر، سنتوش گوڈا بیسٹ اٹیاکر، ایس ڈی ایم کالج کے ناگراج نائک آل راؤنڈر کے انفرادی خطاب جیتے ۔ بھٹکل تعلقہ کے مختلف کالجوں اور اسکول کے پی ای ٹیچرس نے امپائرس کے طورپر خدمات انجام دیں۔ ٹرسٹی مینجر راجیش نایک، پرنسپال ڈاکٹر نرسمہا مورتی ، تعلیمی صلاح کار بی آر کے مورتی، پرنسپال ناگیش بھٹ، ودیا نجلی کے پرنسپال پروین موجود تھے۔