کمٹہ:14/اگست (ایس اؤنیوز)تعلقہ کے تین بڑے پُلوں کے لئے ٹینڈر کا اعلان کئے جانے کے ساتھ ہی آئیگل کوروے ، بوگتی بائیل میں برج تعمیر کے لئے ہری جھنڈی ملتے ہی حلقہ کے عوام کی دیرینہ مانگیں پوری ہوتی نظر آرہی ہیں۔

اس سے قبل ماناگیا تھا کہ آئیگل کوروے جیسے جزیرے کے لئے پُل کی تعمیر ممکن نہیں ہے ، سابق وزیر اعلیٰ کمار سوامی کے دورِ اقتدار میں برج کے لئے سروے کیا گیا تھا لیکن تعمیری منظوری نہیں ہوسکی تھی ، اس سے بھی پہلے ایک دو مرتبہ پُل کی تعمیر ہوتے ہوتے رہ گئی تھی ۔اسی نہج پر موجودہ رکن اسمبلی شاردا شٹی نے کام کرتے ہوئے اپنی کوششوں سےآئیگل کوروے کے لئے پُل منظور تو ہوچکا تھا لیکن عوام تذبذب میں تھے کہ برج کی تعمیر ہوگی؟ یا نہیں ۔ کیونکہ اب تک ایسی کتنی امیدیں دم توڑ چکی ہیں، کبھی تعمیری کام شرو ع ہوا ہی نہیں، اب بھی ایسا ہی ہوگاتو کیسے ؟۔جیسے کئی سوالات عوام کے ذہنوں میں گردش کررہی ہیں۔ لیکن ٹینڈر بلائے جانے سے کام شروع ہوچکا ہے۔ 10کروڑروپیوں کی لاگت سے آئیگل کوروے پل کی تعمیر کی جائے گی۔ اس طرح علاقہ کے عوام کی قسمت چمکنا یقینی ہے، بعد والی کارروائیاں جلدی جلد ی انجام دی جائیں گی تو ’’اَمّا پُل‘‘عوامی استعمال کے لئے میسر ہونے کی امید عوام نے جتائی ہے ۔

بوگتی بائیل برج بھی ایک دیرینہ مانگ رہی ہے۔ کتگال سے ہوناور پہنچنے کے لئے یہی ایک بہت ہی قریب والا راستہ ہے۔ قدیم زمانے سے دونوں مقامات کو جوڑنے والا راستہ بھی یہی تھا، اس کے لئےعوام پچھلے کئی دہوں سے برج کی مانگ کررہے تھے ، اس کے لئے ٹینڈرکی کارروائی شروع ہونے سے 35کروڑ کی لاگت سے پُل اور سڑک کی تعمیر ہوگی۔ کل 2بڑے پُلوں کی تعمیری کام کے لئے گرین سگنل دیا گیا ہے۔یہ کہنا غلط نہ ہوگا کہ ان دو برجوں کی تعمیر سے رکن اسمبلی شاردا شٹی حلقہ کا بڑا اور دیرینہ خواب شرمندہ تعبیر ہوگا۔