بی بی ایم پی میئر  گنگامبیکے ملیکارجن کے ہاتھوں پلس پولیو پروگرام کاآغاز

Source: S.O. News Service | By Shahid Mukhtesar | Published on 11th March 2019, 11:23 AM | ریاستی خبریں |

بنگلورو،11؍مارچ (ایس او  نیوز) قومی سطح پر آج پلس پولیو پروگرام کے تحت بروہت بنگلور مہا نگر پالیکے ( بی بی ایم پی) صدر دفتر میں میئر  گنگامبیکے ملیکارجن نے ایک بچی کو پولیوخوراک پلا کر پہلے مرحلے کے پلس پولیو پروگرام کاآغاز کیا ۔ اس موقع پراخباری نمائندوں کو بتایا کہ شہر میں پولیو کاایک بھی معاملہ پیش نہ آئے ،اس کے لئے احتیاطی اقدامات کئے گئے ہیں ۔ اس ضمن میں بی بی ایم پی نے بھی پوری توجہ دے رکھی ہے اور بی بی ایم پی حدود میں پولیو سے متعلق عوام میں بیداری لائی جارہی ہے ۔ انہوں نے بتایا کہ دیگر ریاستوں میں پولیو کے معاملات دیکھنے کو مل رہے ہیں ۔ ملک کو پولیو سے پاک کرنے کیلئے مزید اقدامات کی اشد ضرورت ہے ۔ مرکزی وزارت صحت وخاندانی بہبود کو اس جانب توجہ دینی چاہئے ۔ بی بی ایم پی کمشنر منجوناتھ پرساد نے بتایا کہ شہر میں پہلے مرحلہ کا پلس پولیو پروگرام کامیابی کے ساتھ چلایا گیا ۔ پولیوخوراک دینے کے لئے شہر بھر میں 4250 بوتھس قائم کرنے کے علاوہ 8500سے زائد ٹیمیں تشکیل دی گئی ہیں ۔ انہوں نے بتایا کہ بی بی ایم پی کی جانب سے پولیو بیداری مہم کانتیجہ ہے کہ والدین اپنے 5سال سے کم عمر کے بچوں کو مذکورہ بوتھس لے جاکر وہاں پولیوں خوراک ڈال رہے ہیں۔ جو نہایت خوش آئند ہے۔ انہوں نے بتایا کہ شہر کے بی ایم ٹی سی ، کے ایس آر ٹی سی ، ریلوے اسٹینوں ، بس اسٹانڈوں ،میٹرو اسٹیشنوں پر محکمہ صحت کے کارکن خود پہنچ کر 5سال سے کم عمر کے بچوں کوخوراک پلا رہے ہیں ۔ اس کے علاوہ 260موبائل وین کے ذریعہ بھی بچوں کو پولیو خوراک پلائی گئی ۔ انہوں نے بتایا کہ آج پولیو خوراک نہ لینے والے بچوں کو 11اور 12مارچ دو دن تک مذکورہ ٹیموں کے کارکن گھر گھر پہنچ کر پولیو خوراک پلائیں گے ۔ اس موقع پر بی بی ایم پی شعبہ صحت و خاندانی بہبود کے اعلیٰ افسران سمیت دیگر شریک تھے۔

ایک نظر اس پر بھی

بنگلور میں 23/ مئی کو ووٹوں کی گنتی کے دوران امتناعی احکامات نافذ

23 مئی کو لوک سبھاانتخابات کے نتائج کا اعلان ہورہا ہے۔ انتخابات کے نتائج ظاہر ہونے کے مرحلے میں کوئی ناخوشگوار صورتحال پیدا نہ ہونے پائے اس کے لئے شہر کے پولیس کمشنر سنیل کمار نے 23مئی کی صبح چھ بجے سے شہر بھر میں امتناعی احکامات نافذ کرنے کا اعلان کیا ہے۔

کرناٹک کے کندگول اور چنچولی حلقوں میں آج ہوگی پولنگ؛ 85 پولنگ بوتھوں کو قرار دیا گیا ہے حساس

ریاست کرناٹک  کے دو اسمبلی حلقوں کندگول اور چنچولی کے لئے آج اتوار کو  ووٹ ڈالے جائیں گے۔ دونوں حلقوں پر کامیابی درج  کرنے کے لئے کانگریس جے ڈی ایس اتحاد اور بی جے پی نے ایڑی چوٹی کا زور لگایا ہے۔

محمد محسن کی فرض شناسی کو پھر نشانہ بنانے کی کوشش، الیکشن کمیشن تادیبی کارروائی کے لئے ہائی کورٹ سے رجوع

اڈیشہ میں انتخابی مشاہد کے طور پر متعین کرناٹک کیڈر کے آئی اے ایس افسر محمد محسن نے وزیراعظم مودی کے ہیلی کاپٹر کی تلاشی لے کر جس فرض شناسی کا ثبوت پیش کیا اسے فرض شکنی قرار دیتے ہوئے الیکشن کمیشن نے نہ صرف انہیں معطل کردیا بلکہ اب ایسا لگتا ہے کہ الیکشن کمیشن نے انہیں نشانہ ...