مخلوط حکومت کی 100 روزہ کارکردگی صفر: یڈیورپا

Source: S.O. News Service | By Shahid Mukhtesar | Published on 29th August 2018, 9:47 PM | ریاستی خبریں |

بنگلورو،29؍اگست(ایس او نیوز) سابق وزیراعلیٰ اور ریاستی بی جے پی صدر بی ایس یڈیورپانے آج الزام عائد کیا ہے کہ ان کے علاوہ سابق وزیراعلیٰ سدرامیا کے فون ریاستی حکومت کے ذریعے ٹیاپ کئے جارہے ہیں۔ اگر یہ عمل فوری طور پر بند نہیں کیاگیا تو وہ اس کا مناسب جواب دیں گے۔

کانگریس کے سابق وزیر بابو راؤ چن چن سور کو پارٹی میں شامل کرنے کے بعد اخباری نمائندوں سے گفتگو کرتے ہوئے انہوں نے بتایاکہ اگلے لوک سبھا انتخابات میں کانگریس کے سینئر لیڈر ملیکارجن کھرگے کو یقینی طور پر شکست دی جائے گی۔ خود مودی نے کہا ہے کہ کھرگے کا وداعی خطاب تیار کرلیا جائے۔

انہوں نے بتایاکہ کانگریس جے ڈی ایس مخلوط حکومت کے سو دن پورے ہورہے ہیں اس کے باوجود عوام میں یہ تصور ہے کہ حکومت کا کوئی وجود ہی نہیں ہے۔ ایک طرف سیلاب تو دوسری طرف خشک سالی سے عوام پریشان ہیں۔ اور حلیف جماعتیں اختلافات میں وقت گزار رہی ہیں۔ انہوں نے بتایاکہ ودھان سودھا میں ایک وزیر بھی حاضر نہیں رہتا۔ اور تمام ترقیاتی کام رکے پڑے ہیں۔ ایسے میں اس حکومت کی تشکیل کی ضرورت کیاتھی؟۔ کورگ میں سیلاب متاثرین بد حال ہیں اور حکومت تبادلوں کے دھندوں میں مصروف ہے۔

یڈیورپانے بتایاکہ کانگریس کے کئی سینئر قائدین ان کے رابطے میں ہیں، عنقریب وہ بی جے پی میں شمولیت اختیار کرلیں گے۔ اسی طرح وظیفہ یاب افسر بھی پارٹی میں شامل ہونے والے ہیں۔ انہوں نے امید ظاہر کی کہ کورگ کے سیلاب زدہ علاقے کی باز آبادی کاری کے لئے مرکز سے مناسب امداد جاری کیا جائے گا۔

اس موقع پر مرکزی وزیر سادھوی نرنجنا جیوتی نے بتایاکہ کمار سوامی کی قیادت والی مخلوط حکومت کی عمر بہت کم رہ گئی ہے۔ انہوں نے بتایاکہ حالیہ اسمبلی انتخابات میں عوام کا فرمان بی جے پی کے حق میں تھا، اس کے باوجود کانگریس اور جے ڈی ایس کے درمیان ناجائز گٹھ بندھن کے ذریعے آنسو بہانے والے کمار سوامی کو وزیراعلیٰ بنایا گیا ہے۔انہوں نے بتایاکہ لوک سبھا انتخابات میں بی جے پی کو واضح اکثریت ملے گی۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔