کمارا سوامی نے بھی وسط مدتی انتخابات کا اشارہ دیا

Source: S.O. News Service | By I.G. Bhatkali | Published on 28th April 2017, 1:58 AM | ریاستی خبریں | ان خبروں کو پڑھنا مت بھولئے |

بنگلورو۔27؍اپریل(ایس او  نیوز) سابق وزیر اعلیٰ اور ریاستی جنتادل(ایس) صدر ایچ ڈی کمار سوامی نے ریاستی اسمبلی کیلئے قبل از وقت انتخابات کی پیشین گوئی کی ہے ، حالانکہ کل وزیر اعلیٰ سدرامیا نے خود واضح کیا کہ اسمبلی انتخابات قبل ا ز وقت نہیں ہوں گے اور حکومت اپنی میعاد مکمل کرلے گی۔ اس کے ایک ہی دن بعد کما رسوامی نے کہاکہ اسمبلی کیلئے قبل از وقت انتخابات کروانا سدرامیا کیلئے ناگزیر ہوچکا ہے۔ کمار سوامی نے کہاکہ جنتادل (ایس) تمام 224اسمبلی حلقوں کیلئے اپنے امیدوار کھڑا کرے گی اور کسی پارٹی کے ساتھ کوئی مفاہمت نہیں کرے گی۔خاص طور پر کانگریس کے ساتھ جنتادل (ایس) اتحاد کی خبروں کو مسترد کرتے ہوئے انہوں نے کہاکہ کانگریس بھی اگر اتحاد کی پہل کرے تو جنتادل (ایس) کی طرف سے اسے قطعاً قبول نہیں کیا جائے گا۔حالیہ ننجنگڈھ اور گنڈل پیٹ اسمبلی حلقوں کے ضمنی انتخابات کے نتیجہ کو اگلے اسمبلی انتخابات کا نقیب قرار دیتے ہوئے کمار سوامی نے کہاکہ اس کیلئے جنتادل (ایس) شمالی کرناٹک میں بنیادی سطحوں پر اپنے آپ کو مضبوط کرے گی اور یہ کوشش کرے گی کہ زیادہ سے زیادہ نشستوں پر کامیابی حاصل کرے۔ انہوں نے کہاکہ شمالی کرناٹک کے مختلف علاقوں میں وہ خود قیام کرکے پارٹی کو مضبوط کرنے کی جدوجہد کریں گے۔آنے والے دنوں میں ضلع اور تعلقہ سطح پر کارکنوں کی میٹنگ کی جائے گی اور جنتادل (ایس) کو مضبوط بنایا جائے گا۔ باغی جنتادل(ایس )اراکین اسمبلی کی پارٹی میں واپسی کو خارج از امکان قرار دیتے ہوئے کمار سوامی نے کہاکہ وہ کانگریس جائیں یا ڈونالڈ ٹرمپ کی پارٹی میں جائیں جنتادل (ایس )کو ان سے کچھ سروکار نہیں ہے۔ ایک سیاسی پارٹی کسی بھی منتخب نمائندہ کیلئے ماں کی مانند ہوتی ہے، جو لوگ ماں کے ساتھ دغا کرکے جارہے ہیں وہ کہیں بھی خوش نہیں رہ سکتے۔ انہوں نے کہاکہ چونکہ یہ انتخابی سال ہے اسی لئے ریاست میں پارٹی بدلی کا سلسلہ چل پڑا ہے، بہت جلد سینئر کانگریس لیڈر ایچ وشواناتھ کی جنتادل (ایس) میں شمولیت کا اشارہ دیتے ہوئے کمار سوامی نے کہاکہ اس سے قدیم میسور میں پارٹی بہت مضبوط ہوگی۔ انہوں نے کہاکہ کسی بھی سیاست دان کو سیاست میں برقرار رہنا ہے تو کسی سیاسی جماعت سے وابستہ ہونا ضروری ہے۔ اسی لئے انہیں توقع ہے کہ وشواناتھ جلد ہی فیصلہ لیں گے۔ انہوں نے کہاکہ اس سے پہلے حالانکہ وشواناتھ نے جنتادل (ایس) کو باپ بیٹوں کی پارٹی قرار دیا، لیکن وزیر اعلیٰ سدرامیا نے جنتادل (ایس) کوجس قدر برا بھلا کہا ہے شاید ہی کسی اور لیڈر نے اتنا کہا ہوگا، جبکہ جنتادل (ایس) میں رہتے ہوئے سدرامیا نے کانگریس کی جتنی برائی کی شاید ہی کسی اور جے ڈی ایس لیڈر نے کی ہوگی۔ بدلے ہوئے سیاسی حالات کے نتیجہ میں قائدین کو اپنا فیصلہ بھی بدلنا پڑتا ہے۔سدرامیا مجبوراً اسی کانگریس پارٹی میں گئے جسے وہ براکہتے تھے اور اسی پارٹی نے انہیں وزیر اعلیٰ بنایا۔ بعض مراحل میں ایسی مصالحت کرنی پڑتی ہے۔ اس موقع پر سابق وزیر بسوراج ہوراٹی ، رکن اسمبلی کونا ریڈی اور دیگر لیڈران موجود تھے۔
 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...