کمار وشواس لائیں گے عام آدمی پارٹی کا دوسرا ورژن، تمام تیاریاں مکمل 

Source: S.O. News Service | By Shahid Mukhtesar | Published on 4th December 2017, 8:36 PM | ملکی خبریں |

نئی دہلی4دسمبر ( ایس او نیوز؍آئی این ایس انڈیا)عام آدمی پارٹی کے لیڈر کمار وشوس نے کارکنوں سے ملاقات کے بعد کہا ہے کہ وہ پارٹی کا ورژن 2لانے والے ہیں ۔ کمار کے مطابق وہ ’’اینٹی وائرس‘‘ کارکنوں کو منتخب کریں گے جو خامیوں ، بدعنوانیوں اور کمیوں کو اجاگر کر سکیں اور وقت رہتے ان پر قدغن لگایا جاسکے ۔ اسی کے ساتھ انہوں نے کہا کہ پرشانت بھوشن اور یوگندر یادو جیسے رہنماؤں کو پارٹی میں لائے جانے کی بات بھی ہورہی ہے ۔ کمار وشوس نے اتوار کو کہا کہ پارٹی پرشانت بھوشن اور یوگندر یادو سمیت پارٹی کے بڑے لیڈران سے بات ہو رہی ہے ، جنہوں نے پارٹی سے کنارہ کشی اختیار کر لی تھی ان سے بات چیت چل رہی تاکہ وہ پھر پارٹی میں واپس آ سکیں۔ تاہم کمار وشواس کے متنازعہ تبصرہ کی تردید کی گئی ہے اور دہلی کے وزیر اعلی او ر عام آدمی پارٹی کے بانی اروند کجریوال کے قریبی نے اس کی تردید کی ہے ۔ پارٹی کے کارکنوں کے ساتھ بات کرنے کے بعد، کمار وشوس نے کہا کہ اگر وہ کسی سیاسی جماعت میں شامل نہ ہو اور یہاں واپس آنے چاہیں اسی طرح گر کسی نے کوئی سیاسی جماعت بنالی ہے اور ہماری پارٹی میں انضمام چاہتے ہیں نیز اسی طرح اگر کوئی ہمارے ساتھ سماجی کام کرنے سے ناخوش ہو گیا جن کی لمبی فہرست ہے ان سے التماس ہے کہ ہم اپنی غلطیوں کا اعتراف کرتے ہوئے ان سے معافی کے طلبگار ہیں ۔کمار وشواس کے اس عمل سے یہ تاثر قائم ہوتا ہے کہ کمار وشواس عام آدمی پارٹی سے نالاں ہوچکے ہیں ، کچھ دنوں قبل ہی پارٹی اور کمار وشواس میں اندرون خانہ کھینچاتانی بھی چل رہی ہے اور کئی معاملات کو لے کر کمار پارٹی کے ہائی کمان سے خفا بھی چل رہے ہیں ۔ اسی طرح اوکھلا ممبر اسمبلی امانت اللہ خان کو لے کر بھی کمار وشواس شدید موقف اختیار کر چکے ہیں ۔ 

ایک نظر اس پر بھی

انسانیت پھر ہوئی شرمسار راجدھانی دہلی میں معصوم نابالغہ سے کی گئی عصمت دری؛ ملزم گرفتار

دہلی کے سیما پوری علاقہ سے نابالغ لڑکی کی عصمت دری کے معاملہ سامنے آیا ہے۔ ایک انسان کس قدر حیوان بن سکتا ہے، یہ معاملہ جیتی جاگتی مثال ہے۔ اطلاعات کے مطابق ایک شخص نے نہ صرف نابالغ لڑکی کے ساتھ عصمت دری کی بلکہ اس کے نجی اعضاعہ میں زبردستی کچھ چیزیں ڈالنے کی کوشش بھی کی۔

جمعیۃعلماء ہند کی جاری ممبر سازی مہم میں بھر پور حصہ لینے جمعیۃ علماء کے منتظمین کی مسلمانوں سے اپیل

مسلمانانِ ہند کی سب سے بڑی اور قدیم مذہبی تنظیم جمعیۃعلماء ہندکی دو سالہ مدت کے لئے ممبر سازی کا آغاز ہو چکا ہے،اس مہم میں سارے مسلمان مرد اور عورت بھر پور حصہ لیں ،خود بھی ممبر بنیں ،دوست و احباب اور متعلقین کو بھی ممبر بنائیں ۔جمعیۃعلماء ہند کے دستور اساسی کے مطابق ہر بالغ ...

پاکستان میں اب بھی فوج اقتدار پر مسلط ہے : وی کے سنگھ

مرکزی وزیر وی کے سنگھ نے پیر کو کہا کہ نئے وزیر اعظم کے طور پر عمران خان کے انتخابات کے بعد بھی پاکستان میں فوج کا ہی غلبہ ہے۔انہوں نے عمران خان کا نام لئے بغیر کہا کہ یہ دیکھنا ابھی باقی ہے کہ کیا وہ تبدیلی لا پائیں گے۔