اراکین اسمبلی کو سوٹ کیس کا تحفہ روک دیا گیا

Source: S.O. News Service | By Shahid Mukhtesar | Published on 20th July 2018, 12:18 AM | ریاستی خبریں |

بنگلورو،19؍جولائی(ایس او نیوز) دہلی میں کاویری مسئلے پر ریاست کے اراکین پارلیمان کی میٹنگ سے قبل اراکین پارلیمان کو وزیر آبی وسائل ڈی کے شیوکمار کی طرف سے بیش قیمتی آئی فون کے تحفے کا اثر یہ ہوا کہ ریاستی اسمبلی کے سبھی اراکین اور ساتھ میں کونسل کے اراکین کو حکومت کی طرف سے دئے جانے والے سوٹ کیس کے تحفے پر بھی روک لگ گئی ہے۔

اراکین اسمبلی وکونسل کو اس سوٹ کیس کے ساتھ اس میں اسمبلی کی کارروائیوں پر مشتمل کتابچے بطور تحفہ دینے کا فیصلہ عموماً اسپیکر اور کونسل چیرمین کی طرف سے لیاجاتا اور ہر نئی حکومت کے قیام کے مرحلے میں تمام لیجلیٹروں کویہ تحفہ ملتا۔ جس وقت یڈیورپا وزیراعلیٰ بنے تب نئے اراکین کو سوٹ کیس دینے کی روایت قائم کی گئی اسی روایت کو برقرار رکھتے ہوئے سدرامیا حکومت کی طرف سے ہر رکن اسمبلی کو پانچ ہزار روپے مالیت کا سوٹ کیس ، لیجسلیچر سکریٹریٹ کی طرف سے دیا گیا۔

اس بار ریاستی اسمبلی کے 224اراکین کو ایسا ہی سوٹ کیس فراہم کرنے کے لئے اسمبلی سکریٹری این مورتی کی طرف سے ٹنڈر طلب کرنے کی تیاری کی جاچکی تھی۔ حالانکہ اس کے لئے انہیں اسپیکر کے آر رمیش کمار سے منظوری حاصل کرنی چاہئے تھی، لیکن منظوری کے بغیر ہی سوٹ کیس کی خریداری کے لئے ٹنڈر کاعمل شروع کردیاتھا۔ تاہم جب یہ بات رمیش کمار کے علم میں آئی تو انہوں نے سکریٹری کو طلب کرکے آڑے ہاتھوں لیااور سخت ہدایت دی کہ کوئی سوٹ کیس خریدنے کی ضرورت نہیں ہے۔اس سلسلے میں رمیش کمار نے سکریٹری کی طرف سے کوئی وضاحت نہیں سنی اور کہاکہ موجودہ حالات میں ایسے کسی بھی تحفے کو وہ منظور ی نہیں دے سکتے، تمام اراکین کو سوٹ کیس کی فراہمی پر ڈھائی سے ساڑھے تین کروڑ روپیوں کا خرچ آتا ہے، اراکیناسمبلی کو سوٹ کیس دینے کے بعد وہ مسلسل ان کا استعمال کرتے ہیں اور نہ ہی اجلاس میں مسلسل لاتے اور لے جاتے ہیں، صرف اپنے گھروں میں لے جاکر رکھ دیتے ہیں ، اسی لئے ایساسوٹ کیس دینے کی کوئی ضرورت نہیں ہے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔