بھٹکل کے بیلور کراس پر بس نے پیچھے سے دی کار کو ٹکر؛ ایک ہلاک؛ تین زخمی

Source: S.O. News Service | By I.G. Bhatkali | Published on 14th June 2018, 11:00 AM | ساحلی خبریں | ان خبروں کو پڑھنا مت بھولئے |

بھٹکل 14/جون (ایس او نیوز)  بھٹکل تعلقہ کے مرڈیشور کے قریب بیلور کراس نیشنل ہائی وے پیش آئے ایک سڑک حادثہ میں ایک شخص کی موت واقع ہوگئی،جبکہ کار پر سوار دیگر تین لوگ زخمی ہوگئے۔

اطلاع کے مطا بق   کار بھٹکل سے کمٹہ جارہی تھی، جب بیلور کراس پر پیچھے سے ایک تیز رفتار KSRTC بس سے ٹکر ماردی۔ ٹکر لگتے ہی کار  سڑک کنارے نالے میں گر کر پہاڑی چٹان سے ٹکراگئی، جس کے نتیجے میں کار ڈرائیونگ کرنے والے  شیکھر کملیشور نائک (49) کی موقع پر ہی موت ہوگئی، جبکہ کار پر سوار ان کی اہلیہ اندرا شیکھر نائک،  اہلیہ کے بھائی  شریدھر ایشور نائک اور گوپال کرشنا نائک  زخمی ہوگئے۔ زخمیوں کو بھٹکل سرکاری اسپتال میں طبی امداد فراہم کی گئی ہے، جبکہ لاش کو بھٹکل سرکاری اسپتال میں پوسٹ مارٹم کے لئے لے جایا گیا ہے۔ 

کار پر سوار سبھی لوگوں کا تعلق کمٹہ تعلقہ کے اگناشنی سے ہے، یہ لوگ بدھ کی  رات کو  بھٹکل سے کمٹہ جانے کے لئے نکلے تھے، جب  مینگلور سے گجیندرا گڑھ جانے والی سرکاری بس ان کی کار سے ٹکراگئی۔ حادثے میں کار کے پچھلے حصے کو شدید نقصان پہنچا ہے، البتہ کار پر سوار دیگر لوگوں کو معمولی چوٹیں آئی ہیں۔

حادثہ کی اطلاع ملتے ہی مرڈیشور پولس جائے وقوع پر پہنچی اور جائزہ لیا۔پولس نے بس ڈرائیور سوریا کانت کو گرفتار کرلیا ہے اور جانچ جاری ہے۔

ایک نظر اس پر بھی

بیندور: معمولی تکرار کے نتیجے میں جان لیوا حملہ۔تین خواتین سمیت پانچ افراد زخمی

دوگھرانوں کے افراد کے بیچ معمولی تکرار کے بعدکرمنجیشور نامی مقام پر چھ افراد پر مشتمل ایک ٹولی نے گھر میں گھس کر جان لیوا حملہ کیا جس میں ڈنڈے اور تلواروں کا استعمال کیا گیا اور ا س کے نتیجے میں دو خواتین سمیت پانچ افراد زخمی ہوگئے۔

جنوبی کینرا ایم پی نلین کمار کٹیل نے کی مہاتما گاندھی کے قاتل ناتھو رام گوڈسے کی حمایت

بھوپال سے بی جے پی کی پارلیمانی امیدوار پرگیہ سنگھ ٹھاکور نے مہاتما گاندھی کے قاتل ناتھو رام گوڈسے کی ستائش کرتے ہوئے کہا تھا کہ وہ ایک اصلی دیش بھکت تھا۔ اس متنازعہ بیان کی ہرطرف سے مذمت ہورہی تھی مگراس کی حمایت میں اب ضلع جنوبی کینرا کے ایم پی نلین کمار کٹیل اور ضلع شمالی ...

سی پی آئی ایم کارکن قتل معاملے میں آر ایس ایس اور بی جے پی کے 7کارکنان کوسزائے عمر قیداورفی کس 1لاکھ روپے جرمانہ

کمیونسٹ پارٹی آف انڈیا (ماکسسٹ) کے پی پویتھرن نامی کارکن کوقتل کیے جانے کے 12سال بعد اس جرم کا ارتکاب ثابت ہونے پر آر ایس ایس اور بی جے پی سے تعلق رکھنے والے 7کارکنان کو عدالت نے عمر قید کی سزا سنائی ہے۔

بھٹکل میونسپالٹی انتخابات کے لئے51 اُمیدواروں نے داخل کیا پرچہ نامزدگی؛ 9 اُمیدوار بلامقابلہ منتخب ہونا طئے؛ 29 مئی کو ہوں گے انتخابات

بھٹکل میونسپالٹی کے لئے 29 مئی کو ہونے والے انتخابات میں جملہ 23 سیٹوں کے لئے 51 اُمیدواروں نے  53 پرچہ نامزدگیاں داخل کی ہیں۔ جمعرات کو پرچہ داخل کرنے کی آخری تاریخ تھی جس کے ساتھ ہی  یہ صاف ہوگیا ہے کہ جملہ 23 سیٹوں میں  سے 9 سیٹوں پر کوئی مقابلہ نہیں ہوگا کیونکہ ان سیٹوں  پر صرف ...

بنگلور میں 23/ مئی کو ووٹوں کی گنتی کے دوران امتناعی احکامات نافذ

23 مئی کو لوک سبھاانتخابات کے نتائج کا اعلان ہورہا ہے۔ انتخابات کے نتائج ظاہر ہونے کے مرحلے میں کوئی ناخوشگوار صورتحال پیدا نہ ہونے پائے اس کے لئے شہر کے پولیس کمشنر سنیل کمار نے 23مئی کی صبح چھ بجے سے شہر بھر میں امتناعی احکامات نافذ کرنے کا اعلان کیا ہے۔

بلدی انتخابات کے لئے 5945 نامزدگیاں داخل

ریاست بھر کے بلدی اداروں کے لئے 29 مئی کو ہونے والے انتخابات میں حصہ لینے کے لئے نامزدگیوں کے اندراج کی تاریخ کل ختم ہونے کے بعد جملہ 5945 نامزدگیاں داخل کی گئی ہیں۔

مودی کی اقتدار میں واپسی کے تمام راستے بند: راہل گاندھی

 کانگریس کے صدر راہل گاندھی نے حزب اختلاف کے طور پر کانگریس کی کارکردگی کو کامیاب بتاتے ہوئے کہا ہے کہ گزشتہ پانچ برسوں کے دوران پارٹی نے مؤثر طریقہ سے عوام کے مسائل کو اٹھایا ہے اور وزیر اعظم نریندر مودی کو دوبارہ اقتدار میں آنے سے روکنے کے لئے ان کے تمام راستے بند کر دئے گئے ...