خواتین کی ترقی اورسیاسی میدان میں کامیابی کانگریس کے برسراقتدار آنے سے ممکن کے پی سی سی دفترمیں منعقدہ تقریب یوم خواتین سے رہنماؤں کا اظہار خیال

Source: S.O. News Service | By Shahid Mukhtesar | Published on 14th March 2019, 12:15 PM | ریاستی خبریں |

بنگلورو14؍مارچ(ایس او نیوز) ویمنس کانگریس لیڈروں نے کہا کہ اگر سیاسی میدان میں خواتین کو ریزرویشن چاہئے تو مرکز میں کانگریس کا برسراقتدار آناضروری ہے۔ پردیش کانگریس کمیٹی دفتر میں ویمنس کانگریس کی جانب سے یوم خواتین تقریب کا اہتمام کیاگیاتھا، جس میں ریاستی وزیر جئے مالا، رکن اسمبلی سومیا ریڈی، مےئر گنگمبیکا ملیکارجن، سینئر خاتون کانگریس لیڈر مارگٹ آلوا،رانی ستیش سمیت پارٹی کی دیگر خواتین لیڈروں نے شرکت کی۔۔

اس موقع پر پردیش کانگریس کمیٹی ویمنس ونگ کی صدر ڈاکٹر پشپا امرناتھ نے کہا کہ انتخابات میں خواتین کو33فیصد ریزرویشن حاصل نہیں ہے۔ اگر مرکز میں کانگریس برسراقتدار آئی تو خواتین کو 33فیصد ریزرویشن دیاجائے گا۔ انہوں نے ویمنس ونگ کے تمام لیڈران اور کارکنوں سے گزارش کی کہ وہ پارلیمانی انتخابات کے دوران پوری لگن اور جدوجہد کے ساتھ کام کریں اور پارٹی امیدواروں کی کامیابی کے لئے کوشش کریں۔ا نہوں نے کہا کہ کانگریس صرف سیاسی پارٹی ہی نہیں ہے بلکہ یہ ایک جن آندولن ہے ، یہ عام آدمیوں کی پارٹی ہے۔ انہوں نے کہا کہ کانگریس پارٹی ملک کی آزادی کے بعد سے آج تک ملک کی خدمت کرتی آئی ہے۔ کانگریس پارٹی نے ملک کی ترقی میں اہم کردار اداکیاہے۔مارگٹ آلوانے کہا کہ مودی کی جئے بولنا وطن پرستی ہے اور ان کے خلاف بات کرنا ملک سے غداری ہے۔ یہ ماحول آج ملک میں دکھائی دے رہاہے۔

انہوں نے کہا کہ اس طرح کا ماحول پیداکرنے والے افراد جمہوری ہندوستان میں ہیں یا نہیں، شک ہونے لگا ہے۔ انہوں نے کہا کہ47سال کے دوران اتنے بڑے پیمانے پر بے روزگاری انہوں نے کبھی نہیں دیکھی اور افسوس اس کا ہے کہ مرکز میں نریندر مودی کے اقتدار پر آنے کے بعد ملک کئی مسائل میں گھرچکاہے۔اس کے خلاف آواز اٹھانے والوں کو ملک کا غدار کہاجانے لگا ہے۔ انہوں نے کہا کہ مودی کی جئے بولنے والے ہی وطن پرست ہیں۔ اس طرح کے حالات پیداکردےئے گئے ہیں۔پارلیمانی انتخابات کو مدنظر رکھ کرکانگریس پر بے بنیاد الزامات لگانے کے حربے استعمال کئے جارہے ہیں۔ انہوں نے کہا کہ فرقہ پرست بی جے پی اپنی ناکامیوں کو چھپانے کے لئے کانگریس گھوٹالوں کا الزام لگارہی بوفورس معاملہ کو دوبارہ ہوادی جارہی ہے۔

انہوں نے کہا کہ طیارہ سازی سے ناواقف انل امبانی کی کمپنی کو رافیل طیارہ کا کنٹراکٹ دیاگیاہے۔ انل مبانی دیگر تجارتی میدان کے ماہر ہیں۔ لیکن انہوں نے اس سے قبل نہ تو طیارہ سازی کی ہے اور نہ ہی اس کا ان کو کوئی تجربہ ہے۔ رافیل طیارہ کی تیاری کے معاہدہ کے بعد فرانس کی کمپنی نے جو رقم اداکی تھی اس سے انل امبانی نے ناگپورمیں زمین خریدی ہے۔ انہوں نے کہا کہ مقامی ادارے ایچ اے ایل کو ملنے والے کنٹراکٹ کو مودی حکومت نے انل امبانی کو دے کر ملک کے تحفظ کے معاملہ میں جان بوجھ کر مداخلت کی ہے۔ آلوانے خواتین کارکن سے کہا کہ وہ لوک سبھا انتخابات کے دوران پوری ایمانداری کے ساتھ کام کریں، ہر سڑک کی دوخواتین ذمہ داری لے کر ہر بوتھ پرعوام کو لاکر ووٹ ڈلوانے کی کوشش کریں اور یہ خیال رکھیں کے کوئی ووٹ ضائع نہ ہو۔ انہوں نے عمومی طورپر پارٹی کے کارکنوں کو مشورہ دیا کہ ہر شخص پارٹی میں اہم ہے اور ہر کسی کو متحدہ کوشش کرنی چاہئے۔ اپنے اختلافات کو پارٹی کی کامیابی کے لئے قربان کردیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔