کولکاتہ ہاوڑہ اسٹیشن کے فوڈ پلازہ میں آتشزدگی

Source: S.O. News Service | By Shahid Mukhtesar | Published on 7th September 2018, 10:37 PM | ملکی خبریں |

کولکاتہ،07؍ ستمبر (ایس او نیوز؍آئی این ایس انڈیا) ہاوڑہ ا سٹیشن میں واقع فوڈ پلازامیں جمعرات کے روز ایک بار پھر آگ لگ گئی ۔ آگ کا سبب شارٹ سرکٹ بتائی جا رہی ہے۔ اطلاع پر فائر بریگیڈ کی دو گاڑیاں موقع پر پہنچیں اور آدھے گھنٹے میں آگ پر قابو پایا۔ حادثہ میں کسی کے زخمی ہونے کی کوئی اطلاع نہیں ہے۔جمعہ کی صبح اس کے بارے ایک سینئر افسر نے بتایا کہ کھانے پینے کی اشیاء اور پیکٹ کی موجودگی کی وجہ سے آگ تیزی سے پھیل رہی تھی۔ اطلاع ملنے کے بعد فائر بریگیڈ کی دو گاڑیوں نے موقع پر پہنچ کر آدھے گھنٹے کے اندر آگ کو قابو کر لیا۔افسر نے بتایا کہ ساڑھے دس بجے کے قریب آگ لگنے کی وجہ سے اسٹیشن پر کچھ دیر کے لئے افراتفری مچ گئی تھی۔ اس وقت دفتر سے واپس جانے والے گھر والوں کی بڑی تعداد سٹیشن پرموجود رہتی ہے۔ اس کے پیش نظرآر پی ایف کے اہلکاروں نے لوگوں کو اس طرف بڑھنے سے روک لیا اور سب کو محفوظ اسٹیشن کی طرف موڑ دیا۔بتایا جا رہا ہے کہ فوڈ پلازا میں موبائل چارج کے لئے علیحدہ سے ایک بورڈ قائم کیا گیا تھا جس میں شار ٹ سرکٹ ہونے کے بعد یہ آگ لگی تھی۔ قابل ذکر ہے کہ تین ماہ قبل بھی اسی فوڈ پلازا میں شارٹ سرکٹ کے بعد آگ لگی تھی جس کے بعد یہاں کے فائر بریگیڈبندوبست پر کئی طرح کے سوالیہ نشان لگنے لگے تھے۔ 

ایک نظر اس پر بھی