سری لنکا میں ٹی 20سیریز میں اترے گی ینگ انڈیا کی نئی ٹیم، کوہلی،دھونی کو آرام، محمد سراج کو ملی جگہ 

Source: S.O. News Service | By Shahid Mukhtesar | Published on 25th February 2018, 9:11 PM | اسپورٹس |

نئی دہلی ،25؍ فروری( ایس او نیوز؍آئی این ایس انڈیا ) کپتان وراٹ کوہلی اور ٹیم کے سب سے سینئر کھلاڑی مہندر سنگھ دھونی ان اہم کھلاڑیوں میں شامل ہیں جنہیں چھ مارچ سے سری لنکا میں شروع ہو رہی ٹی 20 سہ رخی سیریز کے لئے آرام دیا گیا ہے۔روہت شرما ہندوستان کی دوسرے درجے کی ٹیم کی قیادت کریں گے جس میں گھریلو ٹورنامنٹوں (سید مشتاق علی ٹی 20 اور آئی پی ایل) میں مؤثر کارکردگی کرنے والے کھلاڑیوں کو جگہ دی گئی ہے۔ٹیم میں چھ تبدیلیاں کی گئیں ہیں۔شکھر دھون کو نائب کپتان بنایا گیا ہے قومی سلیکٹر ایم ایس کے پرساد نے کہا کہ مہندر سنگھ دھونی انتخاب کے لئے دستیاب نہیں رہیں گے کیونکہ انہوں نے آرام کی اپیل کی تھی۔امید کے مطابق بھونیشور کمار اور جسپریت بمراہ کی تیز گیند بازی جوڑے کے علاوہ آل راؤنڈر دل پنڈیا کو بھی آرام دیا گیا ہے کیونکہ جنوبی افریقہ کے دورے کے دوران ان پر کام کا بوجھ زیادہ تھا۔پرساد نے کہاکہ نداہس ٹرافی کی ٹیم کو حتمی شکل دیتے ہوئے ہم نے کھلاڑیوں کے بوجھ اور آئندہ پروگرام کو ذہن میں رکھا۔ تیز گیند بازوں کی کارکردگی کو بہتر بنانے اور چوٹ سے بچنے کے لئے ان کوکافی آرام دیا گیا ہے۔چائنامین بولر کلدیپ ،چہل بھی سری لنکا جانے والی ٹیم کا حصہ نہیں ہوں گے۔سلیکٹرز نے دسمبر میں سری لنکا کے خلاف ٹی 20 سیریز میں کھیلنے والے تمام کھلاڑیوں کو منتخب کیا ہے۔قومی ٹی 20اور ون ڈے مقابلوں میں سنچری سمیت محدود اوورز کے کرکٹ میں شاندار کارکردگی دکھانے والے وکٹ کیپر بلے باز رشبھ پنت کی ٹیم میں واپسی ہوئی۔سری لنکا کے خلاف گھریلو سیریز کے بعد آف اسپنر واشنگٹن سندر،فاسٹ بولر محمد سراج اور آل راؤنڈر دیپک ہڈا ایک بار پھر ٹیم کا حصہ ہوں گے آل راؤنڈر وجے شنکر کو پنڈیا کی جگہ شامل کیا گیا ہے۔دنیش کارتک پہلے وکٹ کیپر ہوں گے جبکہ پنت بلے باز کے طور پر کھیل سکتے ہیں۔مینک اگروال کو ٹیم میں جگہ نہیں ملی ہے جبکہ سیشن میں وہ 2000سے زیادہ رنز بنا چکے ہیں۔

ٹیم اس طرح ہے:روہت شرما (کپتان)، شکھر دھون، لوکیش راہل، سریش رینا، منیش پانڈے، دنیش کارتک، دیپک چہل، واشنگٹن سندر، یجویدر چہل، اکچھرپٹیل، وجے شنکر، شاردل ٹھاکر، جے دیو انادکٹ، محمد سراج اور رشبھ پنت۔

ایک نظر اس پر بھی

بھٹکل مسلم یوتھ فیڈریشن کے زیراہتمام امین سیف اللہ بی سی ایل کرکٹ ٹورنامنٹ کا شاندار اختتام؛ اسکائی بریزر نے یونائیٹیڈ بھٹکل کو دی شکست

بھٹکل مسلم یوتھ فیڈریشن کے زیراہتمام  امین سیف اللہ بھٹکل کرکٹ لیگ فور (BCL-4) ٹورنامنٹ  آج کامیابی کے ساتھ اختتام کو پہنچا جس میں  اسکائی بریزر نے  شاندار جیت درج کرتے ہوئے کپ اپنے نام کرلیا۔ٹورنامنٹ میں بھٹکل یونائیٹیڈ  دوسرا مقام حاصل کرنے میں کامیاب رہی۔

ہندوستان اور آسٹریلیا پرتھ ٹسٹ میں وراٹ کوہلی نے لگائی 25ویں سنچری

ہندوستان اور آسٹریلیا کے بیچ کھیلے جا رہے پرتھ ٹسٹ کے تیسرے دن ہندوستانی ٹیم کے کپتان وراٹ کوہلی نے 25ویں سنچری لگا دی۔ ان کی سنچری کی مدد سےہندوستان نے آسٹریلیا کو زبردست جواب دیا ہے۔ کوہلی اس سیریز کے پہلے میچ میں کامیاب نہیں ہوئے تھے اورسستے میں آوٹ ہوگئے تھے لیکن پرتھ ...

وراٹ کوہلی اور پرتھوی شا کی نصف سنچریوں کی بدولت ہندوستان نے بنا358 رنز

شاندار فارم میں چل رہے کپتان وراٹ کوہلی (64) اور نوجوان پرتھوی شا (66) سمیت پانچ ہندوستانی بلے بازوں نے نصف سنچری جمائے جس کی مدد سے ہندوستان نے کرکٹ آسٹریلیا الیون کے خلاف بارش سے متاثر پریکٹس میچ میں دوسرے دن 358 رن بنائے۔جواب میں کرکٹ آسٹریلیا الیون نے چار اوور میں بغیر کسی نقصان ...

پاکستان کو زبردست جھٹکا: بی سی سی آئی کا ہندوستانی ٹیم کو پاکستان بھیجنے سےانکار

 ہندوستانی کرکٹ کنٹرول بورڈ (بی سی سی آئی) نے آئندہ ایمرجنگ نیشنس کپ کیلئے ہندوستانی ٹیم کو پاکستان بھیجنے سے انکارکردیا ہے۔ حال ہی میں معاوضے کے سلسلے میں کیس جیتنے والی بی سی سی آئی نے ہندوستانی ٹیم کو پاکستان بھیجنے سے انکارکیا ہے۔

اردویونیورسٹی میں پہلے آزاد راؤنڈ رابن لیگ والی بال ٹورنمنٹ کا انعقاد

نظامت جسمانی تعلیم و کھیل کود، مولانا آزاد نیشنل اردو یونیورسٹی کے زیر اہتمام پہلے آزاد راؤنڈ رابن لیگ والی بال ٹورنمنٹ 2018 کا انعقاد یونیورسٹی اسپورٹس کمپلیکس میں عمل میں آیا۔ ایک روزہ ٹورنمنٹ کو ریڈ ہلز والی بال ٹیم نے جیت لیا۔ مہمانِ خصوصی ڈاکٹر محمد اسلم پرویز، وائس ...

میرے بیان کو توڑ مروڑ کر پیش کیا گیا اے ایم یو کے نام سے’مسلم‘ لفظ ہٹانے کی بات نہیں کہی:سابق ہاکی کھلاڑی ظفر اقبال

ہندوستانی ہاکی ٹیم کے سابق کپتان اور اولمپک کھیلوں کے گولڈ میڈلسٹ ٹیم کے رکن رہ چکے ظفر اقبال نے ان کے ذریعہ علی گڑھ مسلم یونیورسٹی (اے ایم یو) کا نام بدلنے کی حمایت کرنے کی خبروں پر نارازگی ظاہر کی ہے۔ظفر نے کہا کہ ان کے بیان کو توڑ مروڑ کر پیش کیا جا رہا ہے۔اے ایم یو کے طالب علم ...