منگلورو:8؍ڈسمبر (ایس او نیوز) ضلع کورگ کے بھیانک آفاقی  حادثے  سے متاثرہ لوگوں کی مدد کا ڈھونڈرا پیٹ رہے رکن پارلیمان پرتاپ سنہا کو شہری ترقیات اور رہائش وزیر یوٹی قادر نے آڑے ہاتھوں لیتے ہوئے کہاکہ مڈکیری اور کورگ ضلع کے متاثرین کے لئے مرکزی حکومت کی طرف سے  ایک پیسہ بھی نہیں ملاہے، رکن پارلیمان پرتاپ سنہا کو معلومات کی کمی ہے تفصیل جانے بغیر صرف اشتہاربازی کررہے ہیں، اگر مرکزی حکومت سے امداد آئی ہے تو اعداد وشمارات دینے کا شہری ترقی اور رہائشی وزیر یوٹی قادر نے چیلنج کیا ہے۔

شہر کے سرکیوٹ ہاؤس میں  پریس کانفرنس میں اخبارنویسوں کے سوال پر جواب دیتے ہوئے  وزیر یوٹی قادر نے کہاکہ کورگ میں پیش آئے حادثے کے بعد وہاں کے متاثرین کو ایک اطمینان بخش زندگی مہیا کرنے کے لئے 9.40کروڑ روپئے کی لاگت سے گھر تعمیر کرنے والی  کرناٹکا حکومت ہے، اس معاملے میں ہماری ریاست پورے ملک کے ایک مثالی ہونےکی بات کہی۔ انہوں نےکہاکہ این ڈی آر ایف کی طرف سے کورگ کے متاثرین کے لئے 546.21کروڑ روپئے دینے کا بس سرکلر موصول ہواہے مگر ابھی تک ایک پیسہ بھی منظور نہیں ہونے کی جانکاری دی۔