سیلاب متاثرین کی طرف بسکٹ پھینکنے پر وزیر تعمیرات عامہ ایچ ڈی ریونا تنازعے میں گھرگئے؛ کئی حلقوں میں شدید ناراضگی

Source: S.O. News Service | By Shahid Mukhtesar | Published on 20th August 2018, 11:03 PM | ریاستی خبریں | ان خبروں کو پڑھنا مت بھولئے |

بنگلورو،20؍اگست(ایس او نیوز) ریاستی وزیر برائے تعمیرات عامہ ایچ ڈی ریونا کی طرف سے کورگ اور رامناتھ پورہ کے سیلاب زدگان کی راحت کاری مہم کے دوران متاثرین کی طرف بسکٹ پھینکے جانے کا معاملہ تنازعے کا سبب بن گیا ہے۔

ہاسن ملک فیڈریشن کی طرف سے تقسیم کئے گئے دودھ اور بسکٹ کو وزیر موصوف کی طرف سے متاثرین کی طرف پھینکنے جانے پر کئی حلقوں میں شدید ناراضی کا اظہار کیا گیا ہے اور پوچھا گیا ہے کہ کیا وزیر متاثرین کو کتا سمجھ رہے تھے کہ انہوں نے ان کی طرف بسکٹ پھینکا ، انہیں اس حرکت کے لئے معذرت خواہی کرنی چاہئے ۔ راحت کاری کیمپ میں وزیر تعمیرات عامہ کی اس حرکت پر عوام نے شدید برہمی کا اظہار کیا ہے۔

ہاسن ضلع کے اعلیٰ عہدیداروں اور دیگر افسروں کی موجودگی میں وزیر موصوف کی طرف سے راحت کاری اشیاء کی تقسیم کو محض سستی شہرت کے لئے کی گئی حرکت قرار دیتے ہوئے ان لوگوں نے کہا کہ وزیر موصوف نے جس طرح متاثرین کی طرف بسکٹ پھینکا ہے یہ ان کے غرور وتکبر کی نشانی ہے۔ان لوگوں نے کہاکہ جن لوگوں کی طرف ریونا نے بسکٹ پھینکے ان لوگوں نے بسکٹ نہیں اٹھائے ۔مصیبت کی اس گھڑی میں متاثرین کے ساتھ وزیر کے اس سلوک کو انتہائی ناپسندیدہ اور اخلاق سے گری ہوئی حرکت قرار دیا۔ ان لوگوں نے کہاکہ ایک طرف وزیر اعلیٰ کمار سوامی ہر راحت کیمپ میں خود پہنچ کر لوگوں کی مشکلات کو جاننے کی کوشش کررہے ہیں اور متاثرین کے ساتھ وقت نکال رہے ہیں ایسے میں ان کے بھائی ریونا کی طرف سے کی گئی حرکت افسوسناک ہے۔ اقتدار کے نشے میں ریونا جس قدر چور ہوگئے ہیں ان کی یہ حرکت اس کا عکاس بن کر سامنے آئی ہے۔مقامی لوگوں نے کہا ہے کہ ریونا کو اپنی اس حرکت کے لئے عوام سے معذرت خواہی کرنی چاہئے۔
 

ایک نظر اس پر بھی

بی بی ایم پی کا بجٹ اور وارڈ کمیٹیاں!

بنگلور۔19؍فروری(ف ن) بروہت بنگلورو مہا نگرا پالیکے (بی بی ایم پی) نے اگر چہ کہ حسب توقع دس ہزار کروڑ روپئے سے زیادہ کا بجٹ پیش کیا ہے جس میں ماہرین کے مطابق لوک سبھا انتخابات کے پیش نظر ہر ایک طبقہ کو خوش کرنے کی بھی کوشش کی ہے مگر اسی کے ساتھ ماہرین شہریات کا یہ بھی کہنا ہے کہ اس ...

یشونت پور۔منگلورو نئی ٹرین : سفر کے دنوں میں تبدیلی سے مسافر ناخوش

بنگلورو اور منگلورو کو جوڑنے والی نئی یشونت پور۔منگلورو ٹرین جوکہ رات کے وقت چلنے والی ہے اس کا جو ٹائم ٹیبل پہلے پیش کیا گیا تھا اب اس میں تبدیلی کی گئی ہے ، جس پر مسافروں نے اپنی بے اطمینانی کا اظہار کیا ہے۔

بنگلور میں ائیرو انڈیا شو شروع ہونے سے قبل پریکٹس سیشن میں دو ائرکرافٹ کی فضا میں ٹکر؛ ایک پائلٹ ہلاک، دو کو بچالیا گیا

یلہنکا ائیربیس کے قریب پریکٹس سیشن میں دو ہوائی جہاز کرتب دکھلانے کے دوران اچانک فضا میں ہی ٹکراجانے سے  دونوں جہاز آگ کی لپیٹ میں آکر گرپڑے، جس کے نتیجے میں ایک پائلٹ  ہلاک ہوگیا، مگر دیگر دو پائلٹوں کو بچالیا گیا  ہے۔ 

اورنگ آباد اور ممبرا سے گرفتار مسلم نوجوانوں کو عدالتی تحویل میں بھیجا گیا، چارج شیٹ عدالت میں داخل ہونے کے بعد ضمانت پر رہائی کی کوشش کی جائے گی: گلزار اعظمی

مہاراشٹر کے اورنگ آباد اور ممبئی سے قریب مسلم آبادی والے ممبرا سے گرفتا ۹؍ مسلم نوجوانوں کو آج اورنگ آباد کی خصوصی یو اے پی اے عدالت نے عدالتی تحویل میں دیئے جانے کے احکامات جاری کیئے ،

بھٹکل میں تحصیلدار کے حکم پر ہیلتھ انسپکٹر نے ضبط کئے سمندری سیپیں؛ جانچ کے لئے مینگلور روانہ؛ خرید وفروخت پر لگائی پابندی

تعلقہ بھر میں سمندری سیپیاں کھانے سے بیمار پڑنے کے معاملات میں اضافہ کو دیکھتے ہوئے تعلقہ انتظامیہ نے حفاظتی اقدامات کے طور پر  ان سیپیوں کی خرید وفروخت پر بھٹکل میں پابندی عائد کردی ہے ۔ اس تعلق سے آج پیر کو جیسے ہی سمندری سیپیاں بھٹکل مچھلی مارکٹ میں پہنچی، میونسپل ہیلتھ ...

بھٹکل کارگیدے مسجد مزمل کے سامنے سڑک کی تعمیر کو لے کر علاقہ کے عوام کی رکن اسمبلی سنیل نائک سے ملاقات

  کارگیدے مسجد مزمل کے سامنے پکی سڑک کی  تعمیر کو لے کر علاقہ کے عوام نے بھٹکل رکن اسمبلی سنیل نائک سے ملاقات کی اور سڑک کی خستہ حالی  سے اُنہیں واقف کراتے ہوئے  اوپری حصہ کی طرف زیرتعمیر سڑک کو آگے بڑھاتے ہوئے مسجد مزمل اور اس سے نیچے تک توسیع دینےکی اپیل کی۔