کماروشواس نے جنتر منتر پر کسانوں سے ملاقات کیا،کہا: بھاڑ میں جائے پارٹی
نئی دہلی:24/اپریل(ایس او نیوز/آئی این ایس انڈیا)جنتر منتر پر ایک ماہ سے بھی زیادہ وقت سے اپنے مطالبات کو لے کر احتجاج کر رہے تمل ناڈو کے کسانوں سے ملاقات کرنے پہنچے شاعر اور آپ لیڈر کمار وشواس کی ایک بار پھر ان کی پارٹی کے خلاف ناراضگی صاف نظر آئی۔وہ اپنی پارٹی سے کس قدر ناراض ہیں، اس کا اندازہ ان کے الفاظ سے ہی کیا جا سکتا ہے۔انہیں کے الفاظ کی وجہ سے ہی یہ قیاس آرائی ایک بار پھر شرو ع ہوگئی ہے کہ کہیں وہ عام آدمی پارٹی چھوڑنے کا من تو نہیں بنا چکے ہیں؟غور طلب ہے کہ جب کمار وشواس جنتر منتر پر کسانوں سے ملنے پہنچے،تو انہوں نے آپ کو بھاڑ میں جانے کی بات کہہ دی۔اس سے پہلے بھی وشواس کیجریوال پر نشانہ سادھ چکے ہیں۔جنتر منتر پر مظاہرہ کررہے کسانوں سے ملاقات کرنے کئے کمار وشواس سے جب اس معاملے پر عام آدمی پارٹی کے رخ پر سوال کیا گیا تو وہ ناراض ہو گئے۔کمار وشواس نے کہا کہ پارٹی جائے بھاڑ میں، تیل لینے۔انہوں نے کہا کہ وہ پارٹی کوکہہ دیں گے کہ اس معاملے پر کام کرے، باقی وہ جانیں اور ان کا کام۔کمار وشواس نے کہا کہ کوئی کسانوں کے لیے کام نہیں کر رہا ہے۔کمار وشواس نے جس انداز میں پارٹی کے خلاف سخت الفاظ کا استعال کیا، اس سے تو یہی لگتا ہے کہ وہ پارٹی سے ناراض ہیں۔ابھی کچھ دنوں پہلے ہی انہوں نے ایک ویڈیو جاری کرکے کیجریوال پر اشارووں ہی اشاروں میں نشانہ سادھا تھا۔انہوں نے کہا تھا کہ جو پارٹی بدعنوانی کو ختم کرنے کے نام پر دہلی کے اقتدار پر قابض ہوئی ہے، اگر وہ ہی بدعنوانی میں ملوث ہو جائے اور کوئی ایکشن نہ لے تو عوام سوال پوچھے گی کہ نہیں۔