چوٹ کی وجہ سے بڑے ٹورنامنٹ میں نہ کھیل پانا کافی تکلیف دہ:کے ایل راہل 

Source: S.O. News Service | By Shahid Mukhtesar | Published on 17th July 2017, 3:37 PM | اسپورٹس |

 

نئی دہلی،16؍جولائی (ایس او نیوز؍آئی این ایس انڈیا )چوٹ کی وجہ کئی بڑے ٹورنامنٹ میں حصہ نہیں لے پانے والے ہندوستانی سلامی بلے باز لوکیش راہل فٹ ہوکر آئندہ سری لنکاکے دورے کے لیے تیار ہیں۔راہل کندھے کی چوٹے کی وجہ سے طویل عرصے سے ٹیم سے باہر چل رہے ہیں۔راہل اسی چوٹ کی وجہ سے انڈین پریمیئر لیگ (آئی پی ایل)کے10ویں ایڈیشن میں نہیں کھیل پائے تھے۔ساتھ ہی چمپئنز ٹرافی اورویسٹ انڈیز کے دورے پر بھی نہیں جا پائے تھے۔راہل کاکہناہے کہ چوٹ کھیل کا حصہ ہے،حالانکہ انہوں نے اس بات کوماناکی چوٹ کی وجہ سے بڑے ٹورنامنٹوں میں نہ کھیل پاناکافی تکلیف دہ ہوتا ہے۔راہل نے کہاکہ چوٹ کی وجہ سے ٹورنامنٹ میں حصہ نہ لے پانا کھیل کاحصہ ہے ۔ظاہرسی بات ہے کہ میں نے کرکٹ کو مس کیا، آئی پی ایل میں نہیں کھیل پایاجوہندوستان میں سب سے بڑاٹورنامنٹ ہے۔چمپئنز ٹرافی میراپہلاآئی سی سی ٹورنامنٹ ہوتا۔یہ میرے کیریئرمیں بڑاموقع ہوتا،میں چمپئنز ٹرافی میں کھیلناچاہتا تھالیکن ایسا نہیں ہوپایاجس سے میں تھوڑا سا مایوس ہوں۔چوٹ سے واپسی کے بعد راہل کو سری لنکا کے دورے پر ٹیسٹ ٹیم میں جگہ ملی ہے،وہ چار ماہ کے بعد میدان پر واپس آ ئے گے۔راہل نے کہا کہ فٹنس حاصل کرنے کے لیے ان کوسرجری سے بھی گزرنا پڑا اور اب وہ سری لنکا کے دورے کے لیے مکمل طور پر تیار ہیں۔اس سلامی بلے باز کے مطابق، کندھے کی چوٹ کی سرجری ہوئے تین ماہ کا وقت ہو گیا ہے، میں نے فٹنس حاصل کرنے کے لیے کافی محنت کی ہے،میں سری لنکا کے دورے کے لیے اپنی بہترین دوں گا،یہ میرے لیے صرف جسمانی طور پر مشکل ہے ،بلکہ ذہنی طور پر بھی بڑا چیلنج ہے۔راہل نے اس بات کو تسلیم کیا کہ اس عمر میں چوٹوں سے گزرنا اچھی بات نہیں ہے، خاص طورپرایسے وقت میں ،جب وہ اچھی فارم میں چل رہے ہیں۔انہوں نے کہاکہ 24-25کی عمر میں زخمی ہونا ہونا اچھی بات نہیں ہے، خاص طور پر ایسے وقت میں ،جب میں بہترین فارم میں ہوں،میں اپنے ملک کے لیے تینوں فارمیٹ میں کھیل رہاہوں۔اب وہ وقت آگیاہے ، جب میں اپنے ملک کے لیے زیادہ میچ کھیلنا چاہتا ہوں،میں ہر چیز صحیح کر رہا ہوں،میں اپنی فٹنس پر توجہ دے رہا ہوں اور اپنے کھان پان پر بھی۔سری لنکا دورے کے لیے خصوصی تیاری کے سوال پر راہل نے کہاکہمیں ہر وقت بہتر فٹنس حاصل کرنے کی کوشش کر رہا ہوں،نیٹ میں بلے بازی کی مشق جاری ہے، جہاں میں گیندکواچھاماررہاہوں۔

ایک نظر اس پر بھی