کراولی اتسوا کی مناسبت سے پکوان مقابلوں کا اہتمام :لذیذ اور مزیدار کھانوں سے عوام لذت اندوز
کاروار:10/ دسمبر(ایس اؤنیوز)کراولی اتسو ا کی مناسبت سے اتوار کو مالادیوی کھیل میدان میں ’’کچن کوئین‘‘کے عنوان پر پکوان مقابلے کا اہتمام کیا گیا تھا جہاں مختلف قسم کے تیار کردہ کھانوں سے عوام لذت اندوز ہوئے اور کروالی اتسوا کی چاشنی میں اضافہ کیا۔
کراولی اتسوا میں خواتین کو زیادہ تعداد میں شرکت کے لئے راغب کرنے کےلئے خصوصی طورپر اس مقابلے کا انعقاد کیاگیا تھا۔ موجودہ حالات میں عورتوں کو گھروں میں روزمرہ کی مشغولیات کی مجبوری سے وہ لذیذ کھانوں کا پکوان نہیں کرسکتی ہیں۔ بعض دفعہ بیکری ، ہوٹلوں سے مختلف کھانے کی چیزوں کو منگوا کر کھاتے ہیں جس سے صحت پر برے اثرات ہوتے ہیں۔ ہوٹل بازی سے گھروالوں اور خاص کر عورتوں کو با ز رکھنے کے لئے کچن کوئین نامی مقابلہ کا اہتمام کیا گیا تھا۔خواتین کو متعینہ وقت میں اپنے خاندان کے لئے ضروری مختلف طرز کے کھانے تیار کرکے سجانے تھے اور یہ ثابت کرنا تھا کہ انہیں موقع دیا جاتاہے تووہ اپنے خاندان کی صحت کا خیال رکھتےہوئے بہترین لذیذسبزی خور اور گوشت خور تیار کرسکتی ہیں ۔
مقابلے میں شریک کل 31مساہمین نے مختلف طرز کے 10سے 19پکوان تیار کیں تھیں۔ گوشت خور پکوان کے لئے انہیں مچھلی اور چکن دیا گیا تھا تو مشروم اور آلو سزی خور پکوان کے لئے مختص تھے۔ پکوان تیار کرنے کےلئے ہرایک کو 2گھنٹے کا وقت دیا گیا تھا۔ مقابلے میں جیت حاصل کرنےو الوں کے نام اس طرح ہیں۔
گوشت خورپکوان ۔ کاروار کے پرساد وٹوبا ۔اول جوئیڈا کے مند بی پوار ۔دوم اور بھٹکل کی سندھیا بی گنگی ۔ سوم
سبزی خور پکوان میں سرسی کی گنگامہابلیشور بھٹ اول۔ کاروار کی شویتا ہیم گری دوم اور یلاپور کی گایتری گنپتی بی سوم مقام حاصل کیا۔ تعلقہ سطح پر منعقدہ پکوان مقابلے میں اول و دوم مقام حاصل کئے مساہمین ضلع سطح کے مقابلے میں شریک ہوئے تھے۔ پکوان کی لذت سے محظوظ ہونےو الوں میں ڈپٹی کمشنر ایس ایس نکول اور ضلع پنچایت سی ای اؤ ایل چندرشیکھر نایک وغیرہ شامل تھے۔