پلوامہ میں 2 پولیس اہلکاروں کو قتل کرنے والے جہنم کے حقدار ہیں: عمر عبداللہ

Source: S.O. News Service | By Shahid Mukhtesar | Published on 12th June 2018, 11:53 PM | ملکی خبریں |

سری نگر،12جون ( ایس او نیوز؍آئی این ایس انڈیا ) نیشنل کانفرنس کے نائب صدر اور سابق وزیر اعلیٰ عمر عبداللہ نے جنوبی کشمیر کے ضلع پلوامہ میں جنگجوؤں کے حملے میں دو پولیس اہلکاروں کی موت واقع ہوجانے پر دکھ اور افسوس کا اظہار کرتے ہوئے کہا ہے کہ ان کے قاتل جہنم کے حقدار ہیں۔ انہوں نے مائیکرو بلاگنگ کی ویب سائٹ ٹویٹر پر کہا یہ سب کچھ شب قدر کی رات کے دوران ہوا۔ ان پولیس اہلکاروں کے قاتل جہنم کی آگ کے حقدار ہیں اور وہ اپنے آپ کو اسی آگ میں جلتے ہوئے پائیں گے۔ سوگوار کنبوں کے ساتھ میری دلی تعزیت۔ عمر عبداللہ نے کہا کہ جنگجو تنظیمیں سیز فائر کو ناکام بنانے کی تمام ترکوششیں کررہے ہیں۔ ان کا کہنا تھا جنگجو تنظیمیں سیز فائر کو ناکام بنانے کی ہر ممکن کوشش کررہے ہیں۔ لیکن سیز فائر کے خاتمے پر سیکورٹی فورسز جب جنگجوؤں کے خلاف سخت اقدامات اٹھائیں گے تو وہ (جنگجو) اپنے آپ کو مشکل میں پائیں گے۔ واضح رہے کہ جنگجوؤں نے گذشتہ رات ضلع پلوامہ کے نئے کورٹ کمپلیکس کی حفاظت پر مامور ریاستی پولیس اہلکاروں پر حملہ کردیا جس کے نتیجے میں 2 پولیس اہلکار موقع ہی جاں بحق ہوئے جبکہ تیسرا ایک شدید طور پر زخمی ہوا۔ حملہ آور مارے گئے پولیس اہلکاروں کے ہتھیار بھی چھین کر لے گئے ہیں۔ یہ حملہ ماہ رمضان کی مقدس رات شب قدر کے دوران کیا گیا۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔