بیلگام میں اغوا شدہ انجینئرنگ طالبہ کو پولیس نے چند گھنٹوں میں رہا کروایا؛ دوست گرفتار

Source: S.O. News Service | By I.G. Bhatkali | Published on 21st April 2017, 12:30 AM | ریاستی خبریں |

بیلگاوی20؍ اپریل (ایس او نیوز)اغوا اور زرتاوان کے منصوبے کو خاک میں ملاتے ہوئے پولیس نے فوری کارروائی کے ذریعے آٹھ گھنٹوں کے اندر مغویہ لڑکی کا پتہ لگالیا اور اسے رہا کرواتے ہوئے اغوا کی اس واردات میں ملوث اس کے دو دوستوں کو گرفتار کرلیا۔

 پولیس کے بیان کے مطابق GITانجینئرنگ کالج کی طالبہ ارپیتا کے اغوا کا منصوبہ بالکل ہی فلمی انداز میں  اس کے بچپن کے دوست کیداری کے ساتھ مل کر دیویا ملیکا رجن مالگھانا نامی سہیلی نے بنایا تھا ۔اس منصوبہ کے تحت انہوں نے ارپیتا کو اپنے ساتھ کھانے کی دعوت دی، اور کھانا کھاتے وقت کولڈ ڈرنک میں نیند کی گولی اسے کھلائی گئی۔جب ارپیتا پر غنودگی طاری ہوگئی تو انہوں نے ببلو نامی ایک کار ڈرائیور کی مدد سے اس کا اغوا کیا اور گدگ لے گئے، اور کیداری کی گھر میں رات بتائی۔ بتایا گیا ہےکہ جب بھی ارپیتا کو ذراسا ہوش آتا اسے پھر سے چائے یا دوسرے مشروب میں نیند کی گولی کھلادی جاتی تھی۔

اس دوران ایک طرف کیداری نے ارپیتا کے والدین کو فون کرکے بتایاکہ وہ انڈر ورلڈ ڈان کا گُرگا ہے اور اس نے ارپیتا کو زرتاوان وصول کرنے کے لئے اغوا کرلیا ہے۔دوسری طرف جب ارپیتا کو  ذرا سا ہوش آیاتواس نے اپنے اغوا کاروں کی نظریں بچاکروالدین کو فون کرتے ہوئے  اصل حقیقت بتادی ۔ اس بنیا د پر اس کے والدین نے پولیس میں شکایت درج کروائی۔ڈپٹی کمشنر آف پولیس رادھیکا نے اس کیس کو حل کرنے کے لئے پولیس کی تین ٹیمیں بنائیں اوران میں سے ایک ٹیم نے صبح چار بجے کے وقت گدگ میں کیداری کے گھر پر چھاپہ مار کر ارپیتا کو برآمد کرنے کے علاوہ تین اغواکاروں کو گرفتار کرلیا۔

پولیس کا کہنا ہے کہ پوچھ تاچھ کے دوران گرفتار شدہ اغواکاروں نے بتایا کہ انہوں نے 5کروڑ روپے تاوان وصول کرنے کے لئے ارپیتا کا اغوا کیا تھا اور منت بھی مانی تھی کہ وصول شدہ پانچ کروڑ روپوں میں سے 70لاکھ روپے تروپتی کے مندر میں عطیہ کے طور پر جمع کریں گے۔اس کے علاوہ شری کرشنا مٹھ اور کسی یتیم خانے کو بھی عطیہ دینے کی نیت انہوں نے کر رکھی تھی۔لیکن پولیس کی بر وقت کارروائی سے چند گھنٹوں کے اندر ہی یہ معاملہ حل ہوگیا اور اغوا کاروں کا منصوبہ دھرے کا دھرا رہ گیا۔
 

ایک نظر اس پر بھی

الحاج قمرالاسلام کی وفات پرمولانااسرارالحق قاسمی کااظہارتعزیت

عالم دین وممبرپالیمنٹ مولانااسرارالحق قاسمی نے کرناٹک کے معروف سیاسی رہنمااورگلبرگہ سے ممبراسمبلی الحاج قمرالاسلام کے انتقال پر اپنے دلی رنج وغم کا اظہار کرتے ہوئے اپنے تعزیتی بیان میں کہاکہ مرحوم ایک سرگرم سیاسی رہنماہونے کے ساتھ مسلمانوں کے ملی مسائل سے بھی دلچسپی رکھتے ...

بھٹکل میونسپالٹی عمارت پر پتھرائو کا معاملہ؛ بی جے پی لیڈرس گوند نائک اور کرشنا نائک سمیت چارگرفتار

 بھٹکل میونسپالٹی عمارت پر پتھرائو ، توڑپھوڑ اور پولس عملہ پر حملہ کے تعلق سے پولس نے ایک بڑی کاروائی کرتے ہوئے بی جے پی لیڈر گوند نائک کو آج  گرفتار کرلیا ہے۔ ذرائع سے ملی اطلاع کے مطابق پولس  ہبلی کے ایک مکان سے تین لوگوں کو گرفتار کرنے میں کامیاب ہوئی ہے، جبکہ ایک سنگھ کا ...

بھٹکل میونسپالٹی عمارت پر پتھرائو کا معاملہ؛ایم پی شوبھا کرندلاجے نے پولس سے کہا؛ بی جے پی کارکنان کی گرفتاری بند کی جائے؛ لیڈران کو گرفتار کرنے کی صورت میں دی دھمکی

بی جے پی لیڈر شوبھا کرندلاجے نے آج منگل کو بھٹکل ٹائون پولس تھانہ پہنچ کر بھٹکل ڈی وائی ایس پی سے نہایت ترش لہجہ میں کہا کہ وہ بی جے پی کارکنان کی گرفتاری کا سلسلہ فوری طور پر بند کرے۔ شوبھا نے کہا کہ پولس نے اب تک 9 لوگوں کو گرفتار کیا ہے، اگر پولس مزید لوگوں کو گرفتار کرتی ہے تو ...

بی جے پی لیڈر شوبھا کرندلاجے کا بھٹکل دورہ ؛ کانگریس پر بھٹکل سے ہندووں کو بھگانے کی کوشش کا الزام؛ مزید گرفتاریوں پربرے نتائج کی دھمکی

ریاست کی کانگریس حکومت کے وزیر اعلیٰ سدرامیا کی سرکار ہندؤوں کو بھٹکل سے بھگانے کی کوشش کئے جانے کا ریاستی بی جے پی کی جنرل سکریٹری اور اُڈپی چک مگلورو حلقہ کی رکن پارلیمان شوبھا کرندلاجے نے الزام لگایا۔