طرابلس کو دہشت گردوں کے رحم و کرم پرنہیں چھوڑسکتے: جنرل حفتر

Source: S.O. News Service | By Sheikh Zabih | Published on 17th May 2017, 7:39 PM | عالمی خبریں |

طرابلس، 17مئی(ایس او نیوز/آئی این ایس انڈیا)لیبیا کی سرکاری فوج کے سربراہ جنرل خلیفہ حفتر نے کہا ہے کہ طرابلس کو دہشت گردوں کی پناہ گاہ نہیں بننے دیں گے۔ ان کا کہنا ہے کہ فوج اور تمام قومی قوتوں کو دہشت گردی کے خلاف ایک صف میں کھڑا ہونا پڑے گا۔ فوج کی نئی پاسنگ آؤٹ تقریب سے خطاب کرتے ہوئے جنرل خفتر نے کہا کہ ہمیں اپنی ذاتی رنجشیں اور عناد پس پشت ڈال کر یہ ثابت کرنا ہوگا کہ ہماری طاقت دہشت گردی کے فتنے سے زیادہ ہے۔انہوں نے لیبی فوج کی مدد کرنے والے ممالک کا بھی شکریہ ادا کیا۔ انہوں نے کہا کہ لیبیا کے دشمنوں نے داعش کی مدد کی اور لیبی فوج کو اسلحہ کی فراہمی میں رکاوٹیں کھڑی کیں۔ طرابلس لیبیا کا دارالحکومت رہے گا، اسے دہشت گردوں کی چراگاہ نہیں بننے دیا جائے گا۔

ایک نظر اس پر بھی

پوتین شام میں ، روسی فوج کے انخلاء کا حکم

روسی نیوز ایجنسی " ٹاس" کے مطابق روسی صدر ولادیمر پوتین پیر کے روز غیر اعلانیہ دورے پر شام پہنچ گئے۔ وہ لاذقیہ میں حمیمیم کے فوجی اڈے گئے جہاں شامی صدر بشار الاسد سے ملاقات کی۔

یمن : نہم پر اتحادی طیاروں کے شدید حملے

یمن میں آئینی حکومت کو سپورٹ کرنے والے عرب اتحاد کے طیاروں نے صنعاء کے شمال مشرق میں نہم گورنری میں حوثیوں کے ٹھکانوں اور کْمک پر شدید حملے کیے ہیں۔مقامی ذرائع کے مطابق حملوں میں باغیوں کا جانی اور مادی نقصان ہوا۔