ہتک عزت کے معاملے میں عدالت میں پیش ہوئے کجریوال اور سسودیا
نئی دہلی، 27؍اگست(ایس او نیوز/آئی این ایس انڈیا)دہلی کے وزیر اعلی اروند کجریوال اور نائب وزیر اعلی منیش سسودیا سابق مرکزی وزیر کپل سبل کے بیٹے امت سبل کی طرف سے اپنے خلاف دائر مجرمانہ ہتک عزت کی شکایت کے سلسلے میں آج یہاں ایک عدالت میں پیش ہوئے۔کجریوال اور سسودیا میٹروپوٹلن مجسٹریٹ پنکج شرما کے سامنے پیش ہوئے اور امت سبل سے جرح کی۔گواہی ادھوری رہی اور 17ستمبر کو اگلی سماعت والے دن جاری رہے گی۔کجریوال اور سسودیا کے علاوہ شکایت کنندہ نے آپ کے سابق ارکان پرشانت بھوشن اور شاذیہ علمی کو بھی معاملے میں ملزم بنایا تھا۔عدالت نے 20ستمبر، 2014کو آئی پی سی کی دفعہ 500(ہتک عزت) کے تحت سب کے ملزمان پر مقدمہ شروع کیا تھا۔عدالت نے 24جولائی 2014کو سینئر وکیل امت سبل کی طرف سے داخل مجرمانہ ہتک عزت کیس میں کجریوال، سسودیا، بھوشن اور شاذیہ کو طلب کیا تھا۔امت سبل کے الزام کے مطابق ملزمان نے کہا تھا کہ انہوں نے یہاں عدالت میں مقدمات میں ایک ٹیلی کمیونیکیشن کمپنی کی پیروی کرنے میں اپنے والد کے عہدے کا فائدہ اٹھایا۔
