کیجریوال کے وزیر کیلاش گہلوت کے 16 ٹھکانوں پرانکم ٹیکس کا چھاپہ

Source: S.O. News Service | By Staff Correspondent | Published on 10th October 2018, 12:30 PM | ملکی خبریں |

نئی دہلی10اکتوبر(ایس او نیوز؍ایجنسی)  دہلی کی کیجریوال حکومت کے وزیرٹرانسپورٹ کیلاش گہلوت کے گھر سمیت 16 ٹھکانوں پربدھ کو انکم ٹیکس محکمہ کی ریڈ پڑی ہے۔ بتایا جاتا ہے کہ انکم ٹیکس کے افسرعلی الصبح وزیرٹرانسپورٹ کے گھرپرپہنچے اوران سے پوچھ گچھ کی۔ اس دوران افسران نے کچھ ضروری کاغذات بھی دیکھے۔انکم ٹیکس محکمہ کے ذرائع نے بتایا  'دہلی اورگروگرام میں وزیرکیلاش گہلوت کے 16 ٹھکانوں پر چھاپے مارے گئے ہیں۔ برسک انفراسٹرکچراینڈ ڈیولپرس لمیٹیڈ اورکارپوریٹ انٹرنیشنل فائننشیل سروسیزمیں سرچ آپریشن جاری ہے۔

کیلاش گہلوت اپنے اہل خانہ کے ساتھ وسنت کنج میں رہتے ہیں۔ اطلاعات کے مطابق دہلی حکومت کے وزیرٹرانسپورٹ کیلاش گہلوت کے گھر پربدھ کی صبح انکم ٹیکس کے افسران پہنچ گئے۔ اس دوران کسی کو بھی گھرکے اندرآنے اورباہرجانے کی اجازت نہیں دی گئی۔واضح رہے کہ اس سے قبل بھی کیجریوال کے وزرا پرانکم ٹیکس اور سی بی آئی کے ذریعہ چھاپہ ماری کی گئی ہے۔ اس پرکیجریوال حکومت نے آج ایک بارپھرٹوئٹ کے ذریعہ بی جے پی کی قیادت والی مرکزی حکومت کی تنقید کی ہے۔

ایک نظر اس پر بھی

گجرات کیس:مودی اور امت شاہ کو بہار میں انتخابی مہم نہیں کرنے دیں گے: کانگریس 

گجرات معاملے کو لے کر بہار کی سیاسی فضا گرمائی ہوئی ہے۔ جہاں ایک طرف بی جے پی، کانگریس پر بہار کے لوگوں کے خلاف ہوئے تشدد کے لئے ذمہ دار بتا رہی ہے، وہیں اب کانگریس نے اپنے تیور تیکھے کر دیئے ہیں۔

گنگاصفائی بھی جملہ نکلا،آلودگی بڑھنے کی رپورٹ پرکانگریس کاحملہ

کانگریس نے گزشتہ چار سال کے دوران گنگا میں آلودگی بڑھنے کی خبرکے سلسلے میں بھارتیہ جنتا پارٹی پر طنز کرتے ہوئے جمعرات کو کہا ہے کہ 2014کے عام انتخابات میں صاف شفاف گنگا کے وعدے کے ساتھ اقتدار میں آئی مودی حکومت کا ’نمامی گنگا‘پروگرام بھی جملہ ثابت ہوا ہے۔