کاپ24؍مئی (ایس او نیوز)ادیاورکے پاس نیشنل ہائی وے پر اینٹوں (ہولو بلاکس)سے لدی اور پارک کی گئی ٹیمپو سے ایک تیز رفتار بس ٹکرا گئی جس کے نتیجے میں 10افراد زخمی ہوگئے۔

کہاجاتا ہے کہ اینٹوں سے بھری ہوئی ٹیمپو اڈپی کی طرف جارہی تھی۔ٹیمپو ڈرائیور اپنی گاڑی ادیاور میں حلیمہ صابجو ہال کے قریب پارک کرکے حمال کا انتظار کررہاتھا۔ اس دوران منگلورو سے اڈپی جانے والی ایک تیز رفتار پرائیویٹ بس نے پیچھے زرودار ٹکر ماری جس کی وجہ سے دس افراد کو چوٹیں آئیں۔تصادم اتنا شدید تھا کہ ٹیمپو الٹ کر گرگئی اور اینٹیں یہاں وہاں بکھر گئیں۔بس اور ٹیمپو دونوں گاڑیوں کوبری طرح نقصان پہنچا ہے۔حادثے کے بعد نیشنل ہائی وے پر ٹریفک میں کچھ دیر کے لئے خلل پڑا۔پولیس نے جائے واردات پر پہنچ کر معائنہ کیا اور کیس درج کرلیا ہے۔