کاسرگوڈ:1.5کلو گرام سونا اور1.2کروڑ روپے نقد ضبط۔ حوالہ کاروبارکے 2ملزمین گرفتار

Source: S.O. News Service | By Shahid Mukhtesar | Published on 2nd October 2018, 3:20 PM | ساحلی خبریں | ان خبروں کو پڑھنا مت بھولئے |

کاسرگوڈ 2؍اکتوبر (ایس او نیوز) محکمہ ایکسائزاور کسٹمز کے افسران نے ایک مہم کے دوران حوالہ کاروبار میں استعمال ہونے والے 1.2کروڑ روپے نقد اور 1.5 کلو گرام سونا ضبط کرلیا ہے۔اس کے علاوہ دو ملزمین کو بھی گرفتار کرلیا گیا ہے۔

موصولہ رپورٹ کے مطابق افسران کو مصدقہ اطلاع ملی تھی کہ غیر قانونی طور پر ایک کا ر کے اندر بڑی رقم کیرالہ کی طرف منتقل کی جارہی ہے۔ کاسرگوڈ اور کنّور کے کسٹم افسران نے اس کار پر نظر رکھی اور منگلورو سے کاسرگوڈ کی طرف بڑھتی ہوئی اس کار کو روک کر تلاشی لی گئی تو کار کی سیٹ میں سوراخ بناکر چھپائی کی رقم ہاتھ لگی۔ کار میں موجود بشیر(۶۰سال) کو حراست میں لے کر پوچھ گچھ کی گئی اور اس کی فراہم کردہ اطلاع پرکاسرگوڈ کے کوٹے روڈ پر موجود ایک کرایے کے مکان پر چھاپہ مارا گیا جہاں پر غیر قانونی طور پر چھپایا گیا 1.5کلو گرام سونا کسٹم افسران کے ہاتھ لگا۔چھاپے کے وقت مہاراشٹرا سانگلی کا رہنے والا رامچندرا پاٹل گھر میں موجود تھا جسے حراست میں لیا گیا۔

پولیس کا کہنا ہے کہ بشیر نے پوچھ تاچھ کے دوران بتایا ہے کہ روی نامی ایک شخص نے اسے یہ کار منگلورو سے کاسرگوڈ لے جانے کو کہا تھا۔ اور وہ اس سے بالکل بے خبر تھا کار کے اندر کہیں رقم بھی چھپائی گئی ہے۔سمجھا جاتا ہے کہ بشیر کی گرفتاری کے بعد روی ممبئی کی طرف فرار ہوگیا ہے۔ دوسری طرف گرفتار ملزمین سے پولیس کو معلوم ہوا ہے کہ حوالہ اور غیر قانونی سونااسمگل کرنے کا یہ کاروبار مہاراشٹرا کی ایک گینگ چلارہی ہے۔ اس لئے پولیس نے اپنی تحقیقات کا دائرہ مہاراشٹرا تک وسیع کردیا ہے۔ تحقیقاتی افسران کا خیال ہے کہ رقم بھیجنے والا اصل شخص ہاتھ لگ جائے گاتو پھر اس حوالہ کاروبار ریکیٹ کا پردہ فاش ہوجائے گا۔

ایک نظر اس پر بھی

کاروار میں 22اور23دسمبر کومنعقد ہوگا روزگار میلہ

کاروار رکن اسمبلی روپالی ایس نائک کی قیادت میں 22اور23دسمبر کو ایک زبردست روزگار میلہ منعقد کیا جائے گا، جس میں ملک کے مختلف علاقوں سے 106کمپنیوں کے نمائندے حصہ لیں گے۔توقع کی جارہی ہے کہ تقریباً5300بے روزگار نوجوان اس میلے سے فائدہ اٹھائیں گے ۔

بھٹکل میں اسٹریٹ لائٹ کی بیٹریاں چوری کرنے والوں کی پولس کررہی ہے تلاش؛ سی سی ٹی وی کیمرہ میں چوری کی واردات ہوگئی قید

بھٹکل کے مختلف علاقوں میں گذشتہ کئی دنوں سے  اسٹریٹ کے کھمبوں پر لگی سولار لائٹ کی بیٹریاں چوری ہونے کی وارداتیں پیش آرہی تھی، بینگرے اور شرالی علاقوں میں چوریوں کی زائد وارداتیں ریکارڈ کی گئی تھی جبکہ اُترکوپا ودیگر علاقوں میں بھی بیٹریاں چوری ہونے کی شکایتیں ملی تھی، اس ...

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔

بھٹکل کے مرڈیشور میں دو لوگوں پر حملے کی پولس تھانہ میں دو الگ الگ شکایتیں

تعلقہ کے مرڈیشور میں کل جمعرات کو  دو لوگوں پر حملہ اور پھر جوابی حملہ کے تعلق سے آج مرڈیشور تھانہ میں دو الگ الگ شکایتیں درج کی گئی ہیں اور پولس نے دونوں پارٹیوں کی شکایت درج کرتے ہوئے چھان بین شروع کردی ہے۔