کاسرگوڈ:جنم دن منانے کے چند گھنٹوں بعد12سالہ لڑکا ہو اغرقاب
کاسرگوڈ18؍اپریل (ایس او نیوز) زندگی میں خوشی کے پیچھے ہی غم کے سائے چلتے رہتے ہیں۔ اس کی ایک تازہ مثال کاسرگوڈ کے اڈکتابیل میں دیکھنے کوملی جب ایک 12سالہ لڑکا اپنا جنم دن منانے کے بعد نہر میں ڈوب کر ہلاک ہوگیا۔
موصولہ رپورٹ کے مطابق ابھیشیش نامی لڑکا جو کہ چھٹی جماعت کا طالب علم تھا اپنا جنم دن منانے کے بعد دوپہر تین بجے کے قریب اپنے دوستوں کے ساتھ قریبی نہر میں گھونگے (سیپیاں) نکالنے کے لئے چلاگیا۔ مگر تھوڑی دیر ابھیشیش کے دوستوں نے دیکھا کہ وہ پانی میں ڈوب رہا ہے اور جان بچانے کی جدوجہد کررہا ہے۔ اس کے دوستوں نے چلانا شروع کیا تو آس پاس کے لوگ مدد کو دوڑ پڑے۔ پولیس او رفائر بریگیڈ والے بھی پہنچے ۔مقامی لوگوں کی مدد سے ابھیشیش کو نہر سے باہر نکال کر اسپتال لے جایا گیا، لیکن اس کی جان بچائی نہیں جاسکی۔
