کاروار:19/مئی (ایس اؤنیوز)اگر آج سمندر میں اچانک سنامی کا حملہ ہوتاہے تو عوامی زندگی کی کیسے حفاظت کی جاتی ہے اور انہیں کس طرح بچایا جاتاہے اس کے متعلق ہندوستانی فوج کے تینوں شعبہ جات بحریہ، فضائیہ اور آرمی کے اشتراک سے مغربی ساحل کے سمندری علاقہ میں
جمعہ کو ایک عملی نمائش کا اہتمام کیا گیا ۔ ہندوستانی فوج ، بحریہ ، فضائیہ کےاشتراک اور ضلعی انتظامیہ ، بھارتیہ ریڈکراس اور این جی اؤز کے تعاون سے سنامی کے دوران عوامی تحفظ کو لے کر عملی نمائش کی گئی ۔ موصولہ اطلاعات کے مطابق کرناٹکا میں سب سے پہلی مرتبہ یہ عملی نمائش کاروار کے کدمبا بحریہ اڈے پر سنامی عملی نمائش کے لیبل پرمظاہرہ کیا گیا ۔
سنامی عملی نمائش می ہندوستانی فضائیہ کے ڈونیئر ائیر کرافٹ کے ذریعے ں سنامی کی وجہ سے سمندر میں پھنسے ہوئے 19افراد کی زندگی کوبچایا گیا ۔ اس کے بعدہندوستانی بحریہ کے جوانوں نے جیمنی کرافٹ کا استعمال کرتے ہوئے 20لوگوں کو زندگی بخشی گئی ، سنامی کی وجہ سے ہلاک ہوئے نعشوں کو ساحل پر لاکر متعلقین کے حوالے کیا۔ فضائیہ کے چیتن ہیلی کاپٹر کے توسط سے سمندر میں غوطے لگا رہے ایک فرد کو اوپر اٹھاکر اس کو بحفاظت کنارے لایا گیا ۔ آئی این ایس تلانچل جہاز فی گھنٹہ 60کلومیٹر کی رفتار سے چلتے ہوئے مشکلات میں پھنسے لوگوں کی مدد کی۔ سنئیر ایڈمرل کے جے کمار، کرناٹکا بحریہ علاقہ کے فلاگ آفیسر ، ملک کے مختلف مقامات سے اور بنگلہ دیش، مینمار، مالدویپ اور سری لنکا سے تشریف لائے تحفظاتی نمائندے ، ڈپٹی کمشنر ایس ایس نکول ، سی ای اؤ چندرشیکھر نایک ، ایڈیشنل ڈی سی ، ایچ پرسنا نے سنامی عملی نمائش کا نظارہ کیا۔ عملی نمائش کے دوران رویندرناتھ ٹیگور بیچ پر فوری علاج مرکز، ڈاکٹروں کی ٹیم ، فسٹ ایڈ موبائیل سواری ،مرد اور خواتین متاثرہ وارڈ جیسے عارضی مراکز کا قیام کیا گیا تھا۔ ان مراکز میں 2ہزار متاثرین کو 7دنوں تک امداد پہنچانے کی سکت تھی۔ این سی سی کیمپ طلبا نے متاثرین کو ڈاکٹروں کے ذریعے فوری امداد پہنچاکر علاج کرایا۔