کاروار:22/مارچ(ایس اؤ نیوز)مہاراشٹرا کے تھانے میں 19مارچ کو منعقدہ قومی میراتھن مقابلے میں کاروار کے کھلاڑیوں نے حصہ لے کر بہترین کارکردگی کامظاہرہ پیش کیا تھا، جس پر اسکول کے طلبا کی ایڈیشنل ڈپٹی کمشنر ایچ، پرسنا نے تہنیت کی ۔
آرکیڈ نیشنل اسکول اور اتیہا ادارے کے طرف سے منعقدہ میراتھن مقابلے میں کاروار کے طلبا نے شرکت کرتے ہوئے میڈل جیتا تھا۔ لڑکیوں کے زمرے میں10کلومیٹر مقابلے میں میگھا سنجو پرگوجی نے 41.25منٹ میں فاصلہ طئے کرتے ہوئے تیسرا مقام اور گایتریکیسولکر نے 43.36منٹ میں دوڑ کر 5واں مقام حاصل کیا تھا۔ اسی طرح 5کلومیٹر مقابلے میں فیروزا انگڈیکر نے 20.16منٹ میں فاصلہ مکمل کرکے دوسرامقام اور 3کلومیٹر مقابلے میں روبیتا نیسرگی نے 13.45منٹ میں دوری طئے کرکے پہلا مقام حاصل کیا ۔
لڑکوں کے زمرے میں 10کلومیٹر مقابلے میں آدم اے نائک نے 38.18منٹ میں دوری پوری کرکے 5واں مقام ، 3کلومیٹر مقابلے میں کرن اے واسن 12.13منٹ میں فاصلہ پورا کرکے پہلا مقام حاصل کیا ہے۔ اس موقع پر ایڈیشنل ڈی سی پرسنا نے تمام کھلاڑیوں کو مبارکباد پیش کرتےہوئے ہر طرح کی سہولیات فراہم کرنے کا تیقن دیا۔ کوچ پرکاش ریونکر ، ہلیال کے آفیسر پربھو موجود تھے۔