کاروار:26/اپریل(ایس اؤنیوز) محکمہ بائیو ایندھن ، ضلع پنچایت اتراکنڑا، محکمہ زراعت کے اشتراک سے آتما یوجنا 2016کے تحت پنچایت ڈیولپمنٹ آفیسران اور گرام پنچایت ممبران کے لئے حیاتی ایندھن کے وسائل اور ترقی کے متعلق ورکشاپ کا انعقاد کیا گیا ۔ دیہی علاقوں میں جنگلات کے چھوٹے موٹے اشیاء کا استعمال کرنے والے عام کسانوں کو مکمل جانکاری دینے کے لئے ایسے ورکشاپ کا انعقاد کیا جارہاہے۔ ضلع کے ہرایک تعلقہ جا ت میں 2ورکشاپ منعقد کئے جائیں گے اس طرح کل 12مقامات پر 12ورکشاپ کا اہتمام کئے جانےکی اطلاع دی گئی ہے۔
یلاپور میں 25اپریل اور26اپریل کو منڈگوڈ میں دونوں تعلقہ جات کے تعلقہ پنچایت ممبران کے لئے صبح 30-10بجے سے دوپہر 1بجے تک ورکشاپ کا انعقا د کیا گیا ، جس میں ڈاکٹر وی این نایک نے بائیو ایندھن کے متعلق مکمل جانکاری دی ۔ اسی طرح کا ورکشاپ ضلع کے دوسرے تعلقہ جات میں مئی کے مہینہ میں ورکشاپ منعقد کرنے کی ڈاکٹر وی این نایک نے پریس ریلیز کے ذریعے جانکاری دی ہے۔