کاروار:60ہزارروپئے کی غیرقانونی شراب ضبط : ملزم فرار
کاروار:26/اپریل(ایس اؤنیوز) مصدقہ خبر پر کارروائی کرتےہوئے محکمہ ایکسائز کے افسران نے گوا سے کاروار سپلائی کی جارہی غیر قانونی 60ہزار روپئے مالیت کی شراب اور سپلائی کے لئے استعمال کئے گئے آٹو کو شہر کے ایک ہوٹل کے قریب ضبط کرلینے کا واقعہ منگل کی رات پیش آیا ہے، جب کہ ملزم فرار بتایا گیا ہے۔
موصولہ اطلاعات کے مطابق گوا کی سرحد کے جنگل علاقے سے آٹورکشاکے زریعے غیر قانونی طورپر گوا شراب لے کر کاروار کی طرف روانہ تھے، اس تعلق سے محکمہ ایکسائز کو مصدقہ خبر ملی تو ایکسائزڈی سی شیام جوئس اور سپرنٹنڈنٹ منجوناتھ اریگولی کی رہنمائی میں چھاپہ مارکر ہوٹل کے قریب KA/30-7691نمبر کا آٹورکشا ضبط کرلیا گیا ہے ، جس میں قریب 14بند تھیلوں میں شراب بھری گئی تھی ۔ ضبط کردہ شراب میں 270لیٹر گوا شراب ور 42لیٹر بئیر کی بوتلیں تھیں، جس کی مالیت اندازاً 60ہزارروپئے بتائی گئی ہے۔ آٹوڈرائیور فرار بتایا گیا ہے۔ کارروائی میں محکمہ ایکسائز کے ایم ایم نائک، امیش گوڈا، اے ایس گھونڈیکر، وشال نائک وغیرہ شریک تھے۔