کاروار:ودھان سبھا انتخابات کی تیاری ؛ضلع کے ودھان سبھا حلقوں کو ووٹنگ مشینوں کی تقسیم :ضلع میں کل 1484پولنگ بوتھ
کاروار:16/اپریل (ایس او نیوز)اترکنڑا ڈپٹی کمشنر دفتر کے انتخابی سکیورٹی کمرے میں موجود ووٹنگ مشینوں کو بروز اتوار ودھان سبھا حلقوں میں تقسیم کئے گئےتاکہ انتخابات کے فرائض انجام دینے کے لئے نامزد عملے کو تربیت دینے کے پیش نظر پیشگی طورپر ووٹنگ مشینوں(ای وی ایم ) اورووٹ تصدیق مشین (وی وی پیاٹ)متعلقہ ودھان سبھا حلقوں کے الیکشن کمشنروں کو سونپے کئے گئے۔
1790ای وی ایم ، 1872وی وی پیاٹ اور 1760کنٹرول یونٹس کو ضلع کے کل 6ودھان سبھا حلقوں میں تقسیم کرنے کے لئے 200 سے زائد عملہ شام تک مصروف تھا۔ قریب 10لاریوں کے ذریعے انہیں متعلقہ مقامات پر پہنچا کر سکیورٹی روم میں بحفاظت رکھا گیا ۔
ضلع میں کل 1484پولنگ بوتھ ہیں، ہر ایک حلقہ کے لئے 25فی صد زائد مشینیں سپلائی کی گئی ہیں۔ 22اپریل سے انتخابات کے لئے نامزد افسران کی تربیت شروع ہوجائے گی۔ جس کے لئے 5فی صد مشینیں مختص کئے جانے کی جانکاری اضافی ڈی سی ڈاکٹر سریش اٹنال نے دی۔