کاروار:29/ نومبر (ایس اؤنیوز)اترکنڑا ضلع کے بھٹکل سمیت ہلیال، کاروار، کمٹہ ، سرسی اور یلاپور کے ودھان سبھا حلقوں میں 30نومبر سے 29دسمبر تک رائے دہندگان کی فہرست میں ترمیم ، تنسیخ، اندرا ج کرتےہوئے نئے طورپر آراستگی کا کام شروع ہونے ضلع انتظامیہ سے جاری پریس ریلیز میں جانکاری دی گئی ہے۔

پریس ریلیز کے مطابق 30نومبر سے 29ڈسمبر تک اپنے حق اور شکایات کو لے کر عرضیاں وصول کی جائیں گی۔ دسمبر 6اور21کوگرام سبھا اور مقامی اداروں کے وارڈوں کی میٹنگ میں ووٹر لسٹ کےناموں کی خواندگی کرتےہوئے معائنہ کیا جائے گا۔ دسمبر 3اور17کو سیاسی پارٹیوں کے ایجنٹ ووٹر لسٹ میں غیر مندرج ووٹروں کی عرضیاں حاصل کرنے کےلئے خصوصی مہم چلائیں گے ۔ دسمبر 14سے 29تک خصوصی مہم کے ذریعے لسٹ تیارکی جائے گی۔ 15فروری کو رائے دہندگان کی فائنل لسٹ شائع کی جائے گی۔

عوام توجہ دیں کہ یکم جنوری 2018تک جن کی عمر 18سال ہورہی ہے وہ اپنانام ووٹر لسٹ میں اندراج کے لئے 30نومبر سے 29دسمبرتک چلنے والی مہم کے دوران عرضی دینے کے اہل ہیں۔ یعنی یکم جنوری 2018کو جن کی عمر 18سال ہوجائے گی وہ نوجوان ووٹرلسٹ میں اپنانام شامل کروا سکتےہیں اس سلسلے میں خاص توجہ دینے کی ضرورت ہے۔ مہم کے دوران ووٹر لسٹ میں ناموں کا اندراج، اخراج، ترمیم ، منتقلی جیسے کاموں کو بھی انجام دیاجائے گا۔ اس سلسلے میں متعلقہ ووٹر اپنے بوتھ لیول آفیسر سے رابطہ کرتے ہوئے عرضی نمونہ فارم 6،7اور 8پُر کرنے کی اطلاع پریس ریلیز میں دی گئی ہے۔