اترکنڑا ضلع میں بندوق برداروں کی تعداد صرف ایک فی صد: لائسنس کی تجدید کو لے کر اکثر بے فکر

Source: S.O. News Service | By Abu Aisha | Published on 8th October 2017, 8:54 PM | ساحلی خبریں | اسپیشل رپورٹس |

کاروار:8/ اکتوبر (ایس اؤنیوز)اترکنڑا ضلع جغرافیائی وسعت اور جنگلات سے گھراہواہے اس کی آبادی میں بھی خاصی اضافہ ہواہے لیکن ضلع میں صرف ایک فی صد لوگ ہی بندوق رکھتے ہیں،ضلع میں فصل کی حفاظت کے لئے 8163اور خود کی حفاظت کے لئے 930سمیت جملہ  9093لوگ ہی لائسنس والی بندوقیں رکھتے ہیں۔

اترکنڑا ضلع میں چند ہی کسان اپنی فصل کی نگرانی اور حفاظت کے لئے مجبوری میں لائسنس والی بندوق رکھتے ہیں بقیہ کسانوں کو لائسنس کے متعلق کچھ زیادہ جانکاری نہیں ہے۔ اور نئی بندوق لائسنس کے لئے درخواست دینے والوں کی تعداد نہیں کے برابر ہے ۔ فصل کی حفاظت کے لئے 79اور خود کی حفاظت کے لئے 8سمیت صرف 87لوگ ہی لائسنس کے انتظارمیں ہیں۔ امکان ہے کہ ضلع میں ایسے بہت سارے لوگ ہوں گے جو لائسنس کے بغیر بندوق رکھتے ہیں لیکن پتہ چلا ہے کہ ضلعی عوام کو بندوق کے متعلق زیادہ  معلومات نہیں ہے۔

ویسے اترکنڑا ضلع ریاست میں گن داروں کی فہرست میں دوسرے نمبر پرہے ، ضلع کے جغرافیائی وسعت اور آبادی کی شرح کے مطابق بندوق دھاریوں کی تعداد اپنےحساب سے ہے، لیکن جو لوگ لائسنس رکھتےہیں قانون کے تحت اس کی تجدید کو لے کر کہا جاسکتاہے کہ اس سلسلے میں عوام زیادہ بیدار نہیں ہیں۔ اس کا سبب یہی ہےکہ ضلع کے 9093لائسنس والی بندوق رکھنے والوں میں 3910لوگوں نے  اپنے بندوق کے لائسنس کی تجدید نہیں کرائی ہے۔فصل کی نگرانی کے 3522بندوق بردار اور 388خود کی حفاظت کے لئے بندوق رکھنے والے لائسنس تجدید کے متعلق کچھ زیادہ فکر مند نظر نہیں آتے۔ جس میں یلا پور تعلقہ میں تحفظِ فصل کی 937اور خود حفاظتی کے 22سمیت کل 959اور سرسی تعلقہ میں تحفظ فصل 864اور خود حفاظتی کے 94جملہ 958لوگوں نے  اپنے لائسنس کی تجدید نہیں کی ہے۔ بقیہ تعلقہ جات میں بندوق لائسنس کی تجدید نہ  کرانے والوں کی تعداد اتنی زیادہ تو نہیں ہے لیکن لائسنس والی بندوق خریدنے کے بعد لائسنس کی تجدید کی طرف دھیان نہیں دینےکا پتہ چلاہے۔

ضلع کے دیگر تعلقہ جات کے بالمقابل بھٹکل تعلقہ میں بندوق برداروں کی تعداد کم ہے، بھٹکل تعلقہ میں فصل کی حفاظت کے لئے صرف 467 لوگ بندوق رکھتے ہیں تو خود کی حفاظت کے لئے 153 سمیت صرف 620 لوگوں کے پاس ہی لائسنس کی بندوق  ہیں۔ بھٹکل کے بالمقابل سرسی اور یلاپور تعلقہ جات میں سب سے زیادہ لائسنس والے بندوق بردار ہیں۔

ایک نظر اس پر بھی

بے کار پڑا ہے بھٹکل بندر پر پینے کے صاف پانی کا مرکز۔ 12لاکھ روپے کا تخمینہ۔ ادھورا پڑا ہے منصوبہ

بھٹکل تعلقہ کے ماوین کوروے علاقے میں واقع بندرگاہ پر پینے کے صاف پانی کا ایک مرکز 12لاکھ روپے کی لاگت سے تعمیر کرنے کا منصوبہ شروع ہوئے دو سال کا عرصہ گزرچکا ہے۔ ٹھیکے دار کی غفلت اور افسران کے کاہلی کی وجہ سے ابھی تک یہ منصوبہ پورا نہیں ہوا ہے اور عوامی استعمال کے لئے دستیاب ...

ہائی اسکول او رکالجوں کے امتحانات مقررہ وقت پر ہوں۔سرسی میں اے بی وی پی نے دیا میمورنڈم

ریاستی سرکار کی طرف سے ابھی تک وزیر تعلیم کا قلمدان کسی کو نہ دینے اور طلبہ کی تعلیمی زندگی کے ساتھ کھلواڑ کرنے کا الزام لگاتے ہوئے اکھل بھارتیہ ودیارتھی پریشد کے اراکین نے تحصیلدار کی معرفت میمورنڈم دیا اورمطالبہ کیا ریاست کے پرائمری اور سیکنڈری محکمہ تعلیمات کو تباہ ہونے سے ...

کاروار: کائیگا اٹامک اینرجی پلانٹ توسیعی منصوبہ۔ عوامی اجلاس ملتوی کرنے کے لئے دیا گیا میمورنڈم

کائیگا میں واقع جوہری توانائی کے مرکز میں مزید دو نئے یونٹس قائم کرنے کا جو منصوبہ زیرغور ہے اس کے سلسلے میں عوامی شکایات اور احوال جاننے کے لئے 15دسمبر کو عوامی اجلاس منعقد ہوناطے تھا۔ لیکن سابق رکن اسمبلی ستیش سائیل کی قیادت میں عوام کی طرف سے ایڈیشنل ڈی سی ڈاکٹر سریش ایٹنال ...

کاروار میں 22اور23دسمبر کومنعقد ہوگا روزگار میلہ

کاروار رکن اسمبلی روپالی ایس نائک کی قیادت میں 22اور23دسمبر کو ایک زبردست روزگار میلہ منعقد کیا جائے گا، جس میں ملک کے مختلف علاقوں سے 106کمپنیوں کے نمائندے حصہ لیں گے۔توقع کی جارہی ہے کہ تقریباً5300بے روزگار نوجوان اس میلے سے فائدہ اٹھائیں گے ۔

بھٹکل میں آدھا تعلیمی سال گزرنے پر بھی ہائی اسکولوں کے طلبا میں نہیں ہوئی شو ز کی تقسیم  : رقم کا کیا ہوا ؟

آخر اس  نظام ،انتظام کو کیا کہیں ،سمجھ سے باہر ہے! تعلیمی سال 2018-2019نصف گزر کر دو تین مہینے میں سالانہ امتحان ہونے ہیں۔ اب تک بھٹکل کے سرکاری ہائی اسکولوں کو سرکاری شو بھاگیہ میسر نہیں ، نہ کوئی پوچھنے والا ہے نہ  سننے والا۔شاید یہی وجہ ہے کہ محکمہ تعلیم شو، ساکس کی تقسیم کا ...

سوشیل میڈیا اور ہماراسماج ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ (از: سید سالک برماور ندوی)

اکیسویں صدی کے ٹکنالوجی انقلاب نے دنیا کو گلوبل ویلیج بنادیا ہے۔ جدید دنیا کی حیرت انگیزترقیات کا کرشمہ ہے کہ مہینوں کا فاصلہ میلوں میں اورمیلوں کا،منٹوں میں جبکہ منٹ کامعاملہ اب سیکنڈ میں طےپاتا ہے۔

جیل میں بندہیرا گروپ کی ڈائریکٹر نوہیرانے فوٹو شاپ جعلسازی سے عوام کو دیا دھوکہ۔ گلف نیوز کا انکشاف

دبئی سے شائع ہونے والے کثیر الاشاعت انگریزی اخبار گلف نیوز نے ہیرا گولڈ کی ڈائرکٹر نوہیرا شیخ کی جعلسازی کا بھانڈہ پھوڑتے ہوئے اس بات کا انکشاف کیا ہے کہ    کس طرح اس نے فوٹو شاپ کا استعمال کرتے ہوئے بڑے بڑے ایوارڈ حاصل کرنے اور مشہور ومعروف شخصیات کے ساتھ اسٹیج پر جلوہ افروز ...

کہ اکبر نام لیتا ہے۔۔۔۔۔۔۔!ایم ودود ساجد

میری ایم جے اکبر سے کبھی ملاقات نہیں ہوئی۔میں جس وقت ویوز ٹائمز کا چیف ایڈیٹر تھا تو ان کے روزنامہ Asian Age کا دفتر جنوبی دہلی میں‘ہمارے دفتر کے قریب تھا۔ مجھے یاد ہے کہ جب وہ 2003/04 میں شاہی مہمان کے طورپرحج بیت اللہ سے واپس آئے تو انہوں نے مکہ کانفرنس کے تعلق سے ایک طویل مضمون تحریر ...