کاروار شہری تھانہ پولس بائک چوروں کو گرفتار کرنے میں کامیاب
کاروار:30؍جنوری (ایس او نیوز) گزشتہ سال 5مئی کو چوری ہوئی بائک کو پتہ لگاتے ہوئے دوملزموں کو گرفتار کرنےمیں شہری تھانہ پولس کامیاب ہوئی ہے۔
شہر کی احمد کامپلکس کے سامنے کھڑی کی گئیں اپنی کے ٹی ایم بائک چوری ہونے کے متعلق 2018مئی میں کوڑی باگ کے ارشد منور خان نے پولس تھانے میں شکایت درج کی تھی۔ معاملے کو لےکر شہری تھانہ پولس نے کیس درج کرلینے کے بعد تفتیش شروع کی تھی۔ آخر کار پولس بائک چوروں کو پتہ لگا کر بائک کو ضبط کرلینےمیں کامیاب ہوئی ہے۔ گرفتار شدہ ملزموں کی شناخت سرسی کے مائکل روڈرگس (24) اور نظام موٹو دستگیر شیخ (21) کی حیثیت سے کی گئی ہے ۔ تفتیشی کارروائی میں شہری پولس تھانہ ایس آئی نوین نائک، پرشانت ساونت، منجوناتھ گونڈ، راجیش دیواڑیگا، مرلی دھر نائک ، راجیش نایک شریک تھے۔ ایس پی ونایک پاٹل اور کاروار ڈی وائی ایس پی کی رہنمائی میں پولس ٹیم نے کارروائی انجام دی تھی۔