کاروار:ودھان سبھا انتخابات کے دوران رقومات کی غیر قانونی تقسیم کو روکنے نوڈل آفیسر نامزد
کاروار:12/اپریل (ایس او نیوز)ودھان سبھا انتخابات کے دوران رقومات کی غیر قانونی تقسیم کو روکنے کے لئے ہر ضلع میں نوڈل آفیسر نامزد کئے گئے ہیں جن کے ذریعے انتخابات کے پیش نظر رقومات کی تقسیم، اس کا غیر قانونی استعمال اور رقومات کے ذریعے رائے رائے دہندگان پر اثر انداز ہونے کی کوشش کو ناکام بنایا جائے گا۔
عوام الناس سے درخواست کی گئی ہے کہ کرناٹکاودھان سبھاانتخابات کے دوران اگر کوئی بھی سیاسی پارٹی یا امیدوار پیسوں کے بل بوتے پر رائے دہندگان پر اثر انداز ہونے کی کوشش کرتا ہے یا غیر قانونی طورپر رقم کو جمع رکھتا ہے یا رقم کوسپلائی کرنے یا تقسیم کرتا ہوا پایا جاتا ہے اُس کی شکایت فوری طور پر نوڈل آفسر کو کی جائے۔
بتایا گیا ہے کہ مرکزی الیکشن کمیشن کی طرف سے نوڈل آفسروں کا تقرر کیا گیا ہے، جنہیں بذریعہ فون یا راست ملاقات کرتے ہوئے اپنی شکایت سونپ سکتےہیں۔
ذرائع نے بتایا کہ مرکزی حکومت کے محکمہ ٹیکس کے آفیسر کو مرکزی الیکشن کمیشن نے نوڈل آفیسر کی ذمہ داری سونپی ہے جس کے مطابق ریاست گوا ، پنجی کے معاون ٹیکس ڈائرکٹر بالو باپو راؤ ناگوے کو اترکنڑا ضلع کا نوڈل آفیسر نامز د کیاگیا ہے۔
ضلع اُتر کنڑا کے نوڈل آفسر سے رابطہ کرنا ہے یا کوئی شکایت اُن تک پہنچانا ہے، ذیل کے پتہ پر رابطہ کرسکتے ہیں:
شری بالو باپوراؤ ناگوے ،ضلع نوڈل آفیسر (انکم ٹیکس)
کمرہ نمبر ۔ 202۔دوسری منزل ، ڈی سی دفتر، اترکنڑا ضلع۔ کاروار۔
موبائیل نمبر:9403687310—ٹیلی فون:08382-226471