روبیلااور دڑھار انجکشن کے متعلق سوشیل نیٹ ورک پر افواہیں پھیلانے والوں کے خلاف سخت کارروائی: میڈیکل آفیسر
کاروار:22/فروری (ایس او نیوز) اترکنڑا ضلع میں روبیلا اور دڑھار انجکشن کی مہم کامیابی کے ساتھ جاری ہے، انجکشن مہم کو لےکر سوشیل نیٹ ورک سائٹس پر جھوٹی افواہیں پھیلانے والوں کے خلاف کیس درج کرنے کے لئے حکومت نے سخت احکامات جاری کئے ہیں۔ اس بات کی اطلاع محکمہ صحت عامہ کے آفیسر ڈاکٹر جی این اشوک کمار نے دی۔
بچوں کو ایم آر، پولیو اور دیگر انجکشن دینے کامطلب بیماری کے خلاف تحفظ فراہم کرنا مقصود ہے، اس سے بچوں کی کسی بھی صلاحیت یا قابلیت پر کوئی اثر نہیں ہوگا، والدین سرکاری ڈاکٹروں ، تعلقہ میڈیکل افسروں ، محکمہ تعلیمات عامہ اور اطفال محکمہ کے افسران اورپرائیویٹ ڈاکٹروں سے رابطہ کرکے انجکشن کے متعلق جانکاری حاصل کریں اس کے بعد اپنے بچوں کو انجکشن دلوا سکتے ہیں ۔ ضلعی میڈیکل آفیسر نے عوام سے اپیل کی ہے کہ وہ اپنے بچوں کو روبیلا اور دڑھار انجکشن دلوا کر بیماریوں کی روک تھام میں تعاون کریں۔