کاروار:مقامی ادارے کچرانکاسی کے لئے کڑے اقدامات کریں :مصنوعی رنگوں سے مورتیوں کی تیاری اور وداعی پر روک لگائیں : ڈپٹی کمشنر نکول کی افسران کو ہدایات
کاروار:26/جولائی (ایس اؤنیوز) اپنے کارِحدود میں پی اوپی اور مصنوعی رنگوں سے مورتیوں کو تیار نہ کرنے اور ان کی آبی ذخیروں میں غرقابی کو روکنے کے لئے کڑے اقدامات کرنے اترکنڑا ضلع ڈپٹی کمشنر ایس ایس نکول نے مقامی سرکاری انتظامیہ اداروں کے کمشنر اور چیف آفیسرس کو ہدایات جاری کی ہیں۔
ضلعی ڈی سی نکول بدھ کو ڈی سی دفتر کے ہال میں اترکنڑا ضلع شہری مقامی اداروں کی ترقی جات جائزہ میٹنگ کی صدارت کرتے ہوئے خطاب کررہے تھے۔ ڈی سی نے میٹنگ میں موجود افسران کو ہدایا ت جاری کرتے ہوئے کہاکہ آئندہ سے سوکھا کچرا اور پانی سے آلودہ کچرا لازماً الگ الگ جمع کرنے اور کچرا جمع کرنے والی سواریوں کو ٹارگیٹ دینے کی ہدایت دی ساتھ میں کہا کچرا جمع کرنے والی سواریوں کے نگراں کاروں سے کہاکہ کسی حال میں بھی سڑکوں پر کچرا گرنے نہ پائے۔ مقامی انتظامیہ کے مزدوروں کو گلوز اور بوٹ مہیا کرکے اس کے پہنے جانے کی افسران نگرانی کرنے کو کہا۔
میٹنگ میں کاروار بلدیہ کے ماحولیاتی انجنئیر نے بتایاکہ کاروار میں ہردن جمع کرنے والے گدلے کچرے کو کھاد تیاری کے لئے ذخیرہ کیا جارہاہے، جس کا 45دنوں کے بعدٹسٹ لیاجائے گا، اس کام کے لئے ڈمپنگ یارڈ پر 8مزدورں کو نامز د کیاچکا ہے جہاں وہ کچرے کو الگ الگ کرکے کھاد تیار کرنے کی شروعات کی جارہی ہے، چونکہ بارش کا موسم ہے اسی لئے ومڈرو پلاٹ فارم کے اوپر کٹا تعمیر کرکے کچے کچرے کو جمع رکھ کر کھاد تیاری کاکام شروع کئے جانے کی جانکاردی ۔
میٹنگ میں ڈی یو ڈی سی اسسٹنٹ ایگزکیٹیو انجنئیر آر پی نائک نے خیال ظاہر کیا کہ وارڈ کمیٹیوں کی تشکیل کے دوران 50فی صد زیادہ خاتون ممبران کو منتخب کریں اور ہر ہفتہ وارڈ میٹنگ منعقد کرتے ہوئے عوام کا اعتماد حاصل کریں تاکہ تمام پاکی صفائی کی مہم میں حصہ لینے کے لئے آمادہ ہوں، جب تمام مل کر کام کرتے ہیں تو شہر پاکیزہ ہوتاہے۔ ڈی یو ڈی سی کے ایگزکیٹیو انجنئیر ایس ورکت مٹھ اور ضلع کے تمام مقامی اداروں کے افسران میٹنگ میں موجود تھے۔