اُترکنڑا ضلع پنچایت صدر بھٹکل کی جئے شری موگیر کی ذات پر تنازعہ : ڈپٹی کمشنر کو قطعی رپورٹ دینے کی ہدایت
کاروار:18/اپریل(ایس اؤنیوز)ذات ریزرویشن معاملےکو لے کر اترکنڑا ضلع پنچایت کی صدر جئے شری موگیرکا منتخب ہونا اور صدر کے عہدے پر فائز ہونے کو لے کر تنازعہ کھڑا ہوگیا ہے۔اس تعلق سے شہریوں کے حقوق کے ڈائریکٹوریٹ نے ڈپٹی کمشنر کوتحریری ہدایت دی ہے کہ اترکنڑا ضلع پنچایت کی صدر جئے شری موگیر نےپسماندہ ذات کی سرٹی فیکٹ پر انتخابات لڑتے ہوئے منتخب ہوئی ہیں لیکن وہ پسماندہ ذات کی نہیں ہیں، اس لئے ان کی ذات کے متعلق حتمی فیصلہ لے کر حکم نامے کے ساتھ آگے کی کارروائی کرے۔
بھٹکل کے کرناٹکا دلت سنگھرش سمیتی کے صدر ماروتی بی پاؤسکر نے شہری حقوق ڈائرکٹوریٹ کو خط لکھتے ہوئے مطالبہ کیا تھا کہ جئے شری گروداس موگیر پسماندہ طبقہ -1کی فہرست میں شامل ’’موگیر ‘‘ذات سے تعلق رکھتی ہیں، انہوں نے بھٹکل کے تحصیلدار سے پسماندہ ذات ’’موگیر‘‘کے نام پر جھوٹی سرٹیفکٹ لی ہے اور پسماندہ ذات کے لئے مختص ہیبلے ضلع پنچایت کی سیٹ پر جیت حاصل کی ہے۔اس سے سرکار اور اصلی پسماند ہ ذات والوں کو دھوکہ دیا گیا ہے۔انہوں نے مطالبہ کیا تھا کہ جئے شری کی ذات کے تعلق سے مناسب تحقیقات ہو اور ضروری قانونی کارروائی کی جائے۔