ریاستی ودھان سبھا انتخابات : ضلع اُتر کنڑا میں حتمی طور پر 46امیدوار میدان میں : 12پرچہ نامزدگی واپس
کاروار:27/اپریل (ایس او نیوز)ریاستی ودھان سبھا انتخابات کے لئے مقابلہ آرائی کا میدان تیار ہوچکاہے۔ پرچہ نامزدگیوں کو مسترد اور واپس لینےکے بعد اترکنڑا ضلع کے 6حلقوں میں حتمی طورپر 46امیدوار اپنی قسمتی آزمائی کریں گے۔ 25اپریل کو پرچوں کی جانچ ہونے کے بعد 58امیدوار باقی تھے ۔ آج 27اپریل کو پرچہ نامزدگی واپس لینے کا آخری دن تھا۔ ضلع میں آخری دن مختلف حلقوں سے 12 امیدواروں نے اپنا پرچہ واپس لینے کے نتیجے میں 46امیدوار میدان میں باقی رہ گئے ہیں۔ اس بات کی اطلاع ضلعی الیکشن کمیشن کی طر ف سے جاری پریس ریلیز میں دی گئی ہے۔
ضلع کے تمام حلقوں سے کانگریس اور بی جے پی کے امیدوار میدان میں ہیں تو جےڈی ایس 5،سی پی آئی 1،این سی پی 1اور دیگر ریاستی غیر رجسٹرڈ پارٹیوں اور آزادامیدوار وں کے طورپر 27امیدوار انتخابات میں مقابلہ کریں گے۔ پورے ضلع کے حلقوں سےمیدان میں باقی 46امیدواروں میں سے 5خاتون امیدواراور 41مرد امیدوار ہیں۔ ضلع میں سب سے زیادہ امیدوار کمٹہ حلقہ میں ہیں، جہاں 12اُمیدواروں کے درمیان مقابلہ ہوگا۔ بھٹکل ، سرسی اور کاروار میں سب سے کم یعنی 6امیدوار انتخابی اکھاڑے میں ہیں۔بھٹکل میں جے ڈی ایس امیدوار سمیت کل چار امیدواروں نے اپنا پرچہ نامزدگی واپس لیا ہے تو یلاپور میں 3امیدواروں نے اپنی نامزدگی واپس لی ہے۔ ضلعی حلقہ جات کے مطابق امیدواروں کی حتمی تعداد اور دیگر تفصیلات کچھ اس طرح ہیں۔
حلقہ کل کانگریس بی جےپی جے ڈی ایس آزاد اور دیگر نامزدگی واپس
ہلیال 9 1 1 1 6 1
کاروار 6 1 1 1 3 0
کمٹہ 12 1 1 1 9 2
بھٹکل 6 1 1 0 4 4
سرسی 6 1 1 1 3 2
یلاپور 7 1 1 1 4 3