کاروار :29/ جنوری (ایس اؤنیوز)ایس ایس ایل سی کے امتحانات ضلع کے لئے وقار کا سوال ہے کسی مسئلے کو راہ دئیے بغیر شفافیت کے ساتھ انجام دینے ضلع ڈپٹی کمشنر ایس ایس نکول نے محکمہ تعلیمات کو ہدایات جاری کیں۔
امسال مارچ ،اپریل میں منعقد ہونےو الے ایس ایس ایل سی امتحانات کے پیش نظر پیر کو ڈی سی دفتر میں امتحانات پیشگی تیاری جائزہ میٹنگ میں وہ خطاب کررہے تھے، ڈی سی نے کہاکہ امسال کاروار تعلیمی ضلع سے کل 10171طلبا و طالبات ایس ایس ایل سی امتحانات لکھیں گے ، جس کے لئے ضلع بھر میں 38امتحانی مراکز کا انتظام کیا گیا ہے اور امتحانات کی نگرانی کے لئے 15امتحانی آفیسر، 38چیف سپرنٹنڈنٹ، 5نائب چیف سپرنٹنڈنٹ، 38کسٹوڈینس کا نامزد کئے جانےکی جانکاری دی ۔
اسی طرح سرسی تعلیمی ضلع سے کل 10494طلبا و طالبات امتحان میں شریک ہونگے جن کے لئے 35امتحانی مراکز بنائے گئے ہیں۔ یہاں 35نگراں کار، 70ریاستی دفتر کے اسکواڈ، ضلع اور تعلقہ سطح پر 8اسکواڈ ٹیم، 16امتحانی آفیسر، 35چیف سپرنٹنڈنٹ، 35کسٹوڈین، 560 امتحانی کمرہ نگراں کاراور35میڈیکل اسٹاف کو نامزد کیا گیا ہے۔
ڈی سی نے میٹنگ میں بتایا کہ تعلیمی میدان میں ساحلی اضلاع مشہور ہیں، ان کا ایک نام ہے ، ان حالات میں معمولی غلطی بھی ہمارے لئے مسئلہ پیدا کرے گی تو خاص توجہ دیتے ہوئے کسی ہنگامہ کو جگہ نہ دیتے ہوئے منظم انتظامات کے ساتھ امتحانات منعقد کرنے کی صلاح دی۔
انہوں نے بتایا کہ ضلع کے ہرایک امتحانی مرکز میں سی سی ٹی وی کیمروں کی نصب کاری لازمی ہے سرکاری اسکولوں پر خاص توجہ دے کر تیاری کرلیں اس سلسلے میں اگلے 7دنوں میں بی ای اؤ کو رپورٹ دینے کی بات کہی۔ امتحانات کے سوال پرچے اور جوابی پرچوں کے بنڈل ضلع خزانے سے نائب خزانوں کو پولس حفاظت میں ہی لےجانے اور امتحان ختم ہونےکے بعد جوابی پرچوں کو پولس کی حفاظت کے ساتھ سکیورٹی روم میں رکھنے کے لئے کہا۔ اس پوری کارروائی کی وڈیو ریکارڈنگ کرنے کا حکم جاری کیا۔ اس کے ساتھ ساتھ امتحانی کمروں کے نگراں کاروں کی نامزدگی ، سوال پرچوں کے بنڈل کھولنے کے متعلق ہدایات دیں۔
ڈی سی نکول نے امتحانی مراکز پر دیگر سہولیات کی فراہمی پر زور دیتے ہوئے کہاکہ ٹائلیٹ خاص کر لڑکیوں اور خواتین کے لئے خصوصی انتظام کرنے ، پینے کے پانی کی فراہمی اور ایک ڈاکٹر کو موجود رہنے کی بات کہی۔ میٹنگ میں ضلع پنچایت ایگزکیٹیوآفیسر ایل چندرشیکھر نایک ،کاروار تعلیمات عامہ کے ڈپوٹی ڈائرکٹر پی کے پرکاش، سرسی کے ڈپوٹی ڈائرکٹر ایم ایس ہیگڈے ،ڈائٹ کے پرنسپال ایشور نایک، تمام تعلیمی افسران ، مختلف اسکولوں کے صدور مدرس،محکمہ کے افسران موجود تھے۔