کاروار:29؍جنوری (ایس او نیوز)بار بار اشتعال انگیز اور متنازعہ بیانات دینےو الے مرکزی وزیر اننت کمار ہیگڈے کو ایک ذمہ دار عہدے پر فائز ہونےکا شعور نہیں ہے، غلط بیانات کے ذریعے نوجوانوں کو غلط راستے پر لے جانےو الے اننت کمار ہیگڈے کو آئندہ لوک سبھا انتخابات کےدوران کرارا جواب دینے کانگریس سیوا دل شعبہ کے ضلعی صدر آر ایچ نائک نے عوام سے اپیل کی۔

ضلع پتریکا بھون میں پریس کانفرنس میں بات کرتے ہوئے انہوں نے مرکزی وزیر کے بیانات کی کڑی مذمت کی ۔ ذات پات، دھرم وغیرہ کی تفریق و تعصب کے بغیر بھائی چارگی سے رہنےو الے باشندوں کے درمیان وزیر اننت کمار   کے ذریعے نفرت  بوئی جارہی ہے۔ گزشتہ سال ہوناور کے پریش میستا کی ہلاکت کے موقع پر بھی ہیگڈے نے اشتعال انگیز بیان دئیے تھے۔ نوجوانوں کو مشتعل کرنے والے بیانات دینا  ہی ان کا   کام ہوگیا ہے۔ پانچ مرتبہ رکن پارلیمان ہونے کے باوجود کوئی ترقی کا کام نہیں ہواہے، کئی برسوں سے فائلوں کی دھول چاٹ رہا انکولہ ہبلی ریلوے لائن منصوبے کو جاری کرانا ممکن نہیں ہوسکا۔

بی جے پی کی سرپرستی والے ڈھونگی ماحولیاتی ماہر ایک اہم منصوبے میں سدراہ بنے ہوئے ہیں۔ ان کو کنارے کرکے منصوبے کو منظورکروانے کے لئے وزیر نے کوئی کوشش نہیں کی۔ سنئیر پارلیمانی رکن اور مودی کابینہ میں وزیر ہونے کے باوجود ضلع کے لئے کوئی منصوبہ لانے میں ناکام ہیں۔ ذمہ دار عہدے پر رہ کر غیر ذمہ دارانہ  اشتعال انگیز بیان دے کر سماجی امن میں خلل ڈالنے والے اننت کمار کو آئندہ لوک سبھا انتخابات کے دوران عوام برابر سبق سکھانے کی اپیل کی۔