کاروار: معمولی مسائل کو سنجیدگی نہ لیں، نوجوان اپنی سوچ بدلیں تو سما ج پرسکون ہوگا: یوم بزرگاں پروگرام کا انعقاد
کاروار:18/ اکتوبر (ایس اؤنیوز) بزرگوں کا احترام و عزت کریں ، ان کے بتائے ہوئے سچے راستے پر عمل کرنے سے ہی سماج میں سکون و اطمینان ہونا ممکن ہونے کا سنئیر سول جج ٹی گووندیا نےخیال ظاہر کیا۔
ضلع قانونی خدمات بورڈ ، ضلع وکلاء تنظیم ، محکمہ خواتین و اطفال ، محکمہ اپاہج و بزرگاں ، ملیکارجن جن سیوا سنگھ کے اشتراک سے ہبوواڑہ میں یومِ بزگاں کے پروگرام میں وہ خطاب کررہے تھے۔
موصوف نے بزرگوں کے لئے قانونی بیداری کے موضوع پر اپنے خیالات کااظہار کرتے ہوئے کہاکہ چھوٹے موٹے مسائل کو بہت ہی سنجیدگی سے لینےکے نتیجے میں خاندا ن تنازعہ کا شکار ہوتاہے، یہاں بزرگوں کو نظر انداز کئے جانے سے بھی مسائل پیچیدہ ہوجاتےہیں۔ ان کو اپنے مسائل سے باہر کیاجانا ہی مسائل کو جنم دیتاہے۔ نوجوانوں کو اپنی سوچ بدلنے کی ضرورت ہے تب کہیں جا کر سماجی تحفظ ممکن ہوگا۔
وکلاء تنظیم کے ضلعی صدر اُدئیے نائک نے خطاب کرتے ہوئے کہاکہ حکومتوں کی طرف سے بزرگ شہریوں کے لئے کئی ایک انتظامات کئے گئے ہیں۔ ان سے استفادہ کرنے کی اپیل کی۔ وکیل آر وی بھٹ نے مصالحت ، ثالثی کردار اور جنتا عدالت پرروشنی ڈالی تو چندرکانت نے سرکاروں کی طرف سے ملنے والی سہولیات کی تفصیلی جانکاری دی۔ محکمہ خواتین و اطفال کے آفیسر راجیندر بیکل نے پروگرام کی صدارت کی۔ اس موقع پر مختلف محکمہ جات کےافسران وغیرہ موجود تھے۔