کاروار: فلکی تہوار کی مناسبت سے سائنس مرکز اور کالی ندی برج پر کئی پروگرام : آسمان کا نظارہ خاص
کاروار:10؍ڈسمبر (ایس او نیوز)بینالاقوامی فلکی محاذ تہوار کے 100سالہ جشن کے موقع پر کاروار کے مختلف سطح کے طلبا کے درمیان فلکیات پر لکچر، آسمان کا نظارہ سمیت مختلف سرگرمیوں کو انجام دیا جائے گا۔
کرناٹکا سائنس اور ٹکنالوجی ترغیب سوسائٹی بنگلورو، اترکنڑا ضلع انتظامیہ ، علاقائی سائنس مرکز کاروار کے اشتراک سے 10 جنوری 2019سے 13جنوری 2019تک منائے جارہے سہ روزہ تہوار کے دوران کئی پروگرام منعقد کئے جائیں گے۔
10جنوری کی شام 6بجے سے رات 9بجے تک سرکاری پی یو کالج کے طلبا کو سائنس مرکز کاروار اور کالی ندی برج پر لکچرر اور آسمان کا نظارہ کرایاجائے گا۔ 11جنوری کی صبح 10بجے سے شام 4بجے تک ہائی اسکول طلبا کے لئے سائنس مرکز کاروار میں کئی پروگرام اور شام 6بجے سے رات 9بجے تک سرکاری آرٹس اور سائنس کالج میں لکچراور آسمان کا نظارہ ہوگا۔ 12 جنوری کی شام 6بجے سے رات 9بجے تک ہائی اسکول طلبا کے لئے لکچر اور نظارۂ سماں اور 13جنوری کی شام 5بجے رات 9بجے تک کالی ندی برج پر عوام کے لئے آسمان کا نظارہ کئے جانے کی جانکاری پریس ریلیز کے ذریعے دی گئی ہے۔