کاروار:بلدیہ وارڈوں کی دوبارہ ترتیب نو :17مئی تک اعتراضات داخل کرنےکا موقع
کاروار:26/اپریل(ایس اؤنیوز) اترکنڑا ضلع کے مقامی انتظامیہ یعنی میونسپالٹی، بلدیہ ، پٹن پنچایت وغیرہ کے وارڈوں کی دوبارہ تشکیل کاری کا کام جاری ہے۔سال 2011کی مردم شماری کے تحت وارڈوں کی دوبارہ تشکیل کی گئی ہے۔ جن تعلقہ جات میں یہ تقسیم کاری کی گئی ہے انہیں 17مئی کے اندر اعتراضات سونپنے کی مہلت دی گئی ہے
ہر ایک وارڈ کی سرحد، حلقہ اور آبادی کو شمار کرتے ہوئے وارڈوں کوترتیب دیا گیا ہے۔ اترکنڑا ضلع کے سرسی ، کاروار اور ڈانڈیلی بلدیہ کے فی کس31وارڈوں کی اور کمٹہ میونسپالٹی کے 23، منڈگوڈ پٹن پنچایت کے 19، سداپور پٹن پنچایت کے 15وارڈوں کی اترکنڑا ضلع ڈپٹی کمشنر ایس ایس نکول نے دوبارہ سرحد مقرر کرتے ہوئے ترتیب دی ہے ،ان وارڈوں کی تقسیم کاری کو لے کر کوئی اعتراضات ہیں تو 17مئی تک سونپ سکتےہیں اس کے بعد ہی مصدقہ اعلامیہ جاری کرنے کی بات کہی گئی ہے۔ ضلع کے بقیہ تعلقہ جات یلاپور، ہلیال، بھٹکل،جالی ، ہوناوراور انکولہ بلدیہ کے وارڈوں کی دوبارہ تقسیم کاری ہونا باقی ہے۔