کاروار:11؍جنوری (ایس او نیوز) یوم ِ جمہوریہ 26جنوری کو منعقد ہونے والے پروگرام میں تمام افسران اور عملہ لازمی طورپر شریک ہونے کی اترکنڑا ڈپٹی کمشنر ایس ایس نکول تاکید کی ہے۔
یوم جمہوریہ کےمتعلق ضلعی سطح کی افسران کے ساتھ منعقدہ پیشگی تیاری میٹنگ میں افسران سے کہاکہ جس طرح سبھی قومی تہوار وں کے موقع پر افسران اور عملہ حاضر رہتاہے اسی طرح 26جنوری کے پروگرام میں ہر محکمہ جات کے افسران اور عملہ لازماً شریک ہونے کی بات کہی۔ اور اس دن کی حاضری دستاویز کو شام تک ڈی سی دفتر کو روانہ کرنے کی تاکید کی۔
ڈی سی نے بتایا کہ ہرسال کی طرح صبح 30-7بجے محکمہ جات اپنے اپنے دفاتر میں پرچم کشائی کریں گے ۔ صبح 8بجے ڈی سی دفتر میں پرچم لہرایا جائے گا اور 45-08کو پولس پریڈ میدان میں عوامی پروگرام میں ضلع نگراں کاروزیر پرچم کشائی کریں گے۔ اس موقع پر مارچ پاسٹ، مہمان کا پیغام اور طلبا و طالبات کی طرف سے ثقافتی پروگرام پیش کئے جائیں گے۔ ڈی سی نے کہاکہ یوم جمہوریہ کے موقع پر شہر کو چراغاں کریں ، پاکی صفائی کا خاص خیال رکھیں۔ جو بھی پروگرام میں شریک عوام کے درمیان مٹھائی تقسیم کرنے کے علاوہ بہترین کارکردگی پر انعامات وغیرہ کا بہتر انتظام کرنے کی بات کہی۔ میٹنگ میں ضلع پنچایت کے چیف ایگزیکیٹو آفیسر محمد روشن ، ایس پی ونایک پاٹل ، اپر ڈی سی ڈاکٹر سریش اٹنال ، آئی اے ایس پروبیشنری دلیش ششی کانت موجود تھے۔