کاروار:22/ اکتوبر (ایس اؤنیوز)قانونی نظام کی بحالی اور تحفظ میں پولس کا بہت ہی اہم رول ہے ، ملک کی سرحدوں کی حفاظت کرنےو الے فوجیوں کی طرح اندرون ملک یہ حفاظت کرتے ہیں۔ ضلع مصنف وی ایس دھارواڑکر نے ان خیالات کااظہار کیا۔ پولس یومِ شہیداں کے موقع پر پولس پریڈ میدان میں پولس شہیدوں کے یادگار مقام پر گل پیشی بعد وہ خطاب کررہے تھے۔

انہوں نے کہاکہ دن رات کی پرواہ نہ کرتے ہوئے اپنے فرائض کو انجام دینے والے پولس کی خدمات قابل ستائش ہیں۔ انہی کی موجودگی سے ہی عوام امن ، اعتماد سے زندگی گزارنا ممکن ہواہے۔ افتتاحی کلمات پیش کرتے ہوئے ایڈیشنل ایس پی گوپال بیاکوڈ نے کہاکہ 21اکتوبر 1959کو چین اور بھارت کی سرحد کے لداخ میں ہوئی جنگ کے دوران 10بھارتی پولس شہید ہوئے تھے انہی کی یا دمیں یہ دن منائے جانے کی بات کہی۔